Xubno ka tirsan maleeshiyada Al-Shabaab ee shalay weerartay Hotel Qaahira ee magaalada Beledweyne ayaa weli dagaal kula jira ciidamada ammaanka gudaha hotelka.
Wararka ayaa sheegaya in inta badan dableydii weerarka qaaday la dilay, balse laba ka mid ah ay weli dagaal ka wadaan gudaha dhismaha. Ciidamada dowladda federaalka, kuwa deegaanka, iyo hawlgalka Midowga Afrika ayaa ku sugan goobta, iyagoo dadaal ugu jira sidii ay weerarka u soo afjari lahaayeen.
Ciidamada ammaanka ayaa xiray waddooyinka soo gala hotelka, kaas oo ku yaalla xaafadda Howlwadaag ee galbeedka magaalada. Dadka deegaanka ayaa sheegay inay mararka qaar maqlaan rasaas culus oo ka dhacaysa halkaasi, halka mararka qaarna ay rasaastu noqoto mid goos-goos ah. sida voa sheegtay
Goob-joogayaal iyo faahfaahin horleh oo Ku saabsan Hotel Qaahira Beledweyne
Nabadoon Islow Rooble, oo ka mid ah odayaasha deegaanka, ayaa sheegay in weerarka uu bilowday xilliga salaaddii subax ee shalay. Wuxuu beeniyay wararka sheegaya in xilligaas shir ka socday hotelka.
Weerarka ayaa ku bilowday gaari laga soo buuxiyay walxaha qarxa oo lagu dhuftay hotelka, taas oo u gogol-xaartay in rag hubeysan gudaha u galaan. Qaraxyo kale oo xooggan ayaa shalay illaa xalay laga maqlayay aagga hotelka, iyadoona saqdii dhexe ee xalay ay rasaas culus ka dhacday xaafadda Howlwadaag.
Mas’uuliyiinta ayaa illaa iyo hadda ka gaabsaday faahfaahinta rasaastaasi iyo wixii ka dhashay. Jug xooggan oo laga maqlay agagaarka hotelka ayaa weli la dareemayaa, waxaana weerarka uu u muuqdaa mid galay maalintiisii labaad.
Xaalada ayaa wali cakiran wixi kasoo kordho, waan idinla soo socodsiin donaa sida ugu dgaqsaha badan
📌 Wararka24 – Xog rasmi ah & Faahfaahin degdeg ah