Wararka24: Ciidanka Xoogga Dalka Soomaaliyeed, gaar ahaan Kumaandooska Gorgor, ayaa howlgal qorsheysan ka fuliyay deegaanno hoos yimaada Warciise ee gobolka Shabeellaha Dhexe, kaas oo lagu beegsaday maleeshiyaad ka tirsan Al-Shabaab.
Howlgalkan ayaa qayb ka ah dadaallada joogtada ah ee lagu ciribtirayo kooxaha argagixisada, iyadoo la bartilmaameedsaday xubno ku dhuumaaleysanayay deegaannada miyiga ah.
Taliyaha Ururka 195aad ee Guutada 19aad, Dhamme Maxamed Cumar Dufaan, ayaa sheegay in howlgalka uu ahaa mid lagu baacsanayo laguna wiiqayo awoodda maleeshiyaadka.
Wuxuu xusay in ciidamada ay sii wadi doonaan howlgallada noocan ah si loo xaqiijiyo amniga shacabka ku nool gobolka.
Mas’uuliyiinta ayaa sidoo kale tilmaamay in howlgalkan uu yahay mid ka mid ah qorshayaasha lagu xoojinayo la dagaallanka kooxaha amni darrada sababa.
