NAIROBI — Hay’adda baaritaanka booliiska Kenya (DCI) ayaa xabsiga dhigtay saddex qof oo lagu tuhmayo dilka blogger-ka Albert Ojwang ee ku dhintay xabsi ku yaal Nairobi.
Samson Talaam oo ah sarkaalka xabsiga Central Police Station ayaa Khamiistii la xiray. James Mukhwana oo askari ah iyo nin farsamo oo tirtirtay muuqaalka CCTV ayaa sidoo kale gacanta lagu dhigay.
Albert Ojwang oo 31 jir ah ayaa ku dhintay xabsiga Nairobi June 8. Wuxuu ahaa macallin dugsi sare oo noqday blogger siyaasadeed.
Ojwang waxaa June 7 lagu qabtay magaalada Homa Bay. Waxaa lagu eedeeyay inuu baraha bulshada ku Aflagaadeeyey Eliud Lagat oo ah ku xigeenka madaxa booliiska Kenya.
Booliiska ayaa sheegay in Ojwang uu madaxiisa kugaraacay derbiga xabsiga kadibna uu udhintay dhawaca uu isu geystay. Lkn Waxa beeneyey taas Baaritaan dhakhaatiirta ayaa muujisay in la dilay.
Shan dhakhtar ayaa baaray meydka. Waxay heleen dhaawacyo madaxa, qoorta iyo jidhka oo dhan. Dr. Bernard Midia ayaa sheegay in dhaawacyada ay muujinayaan garaacid.
Madaxweyne William Ruto ayaa sheegay inuu ka xumaaday dhimashada Ojwang. Douglas Kanja oo ah sarkaalka booliiska ayaa ka raali galay macluumaadka khaldan ee la bixiyay.
Mohamed Amin oo ah agaasimaha baaritaanka dembiyada DCI ayaa sheegay in Taliyaha sare ee xabsiga Talaam uu yahay Ninka lagu tuhunsan yahay dilka qoraaga.
Mudaaharaado ayaa ka dhacay Nairobi iyo magaalooyin kale. Dadka ayaa dalbaday in madaxa booliska kenya Lagat uu is casilo.
Hay’adda IPOA ayaa wadaa baaritaan. Waxay qaadeen dhiig oo ay u direen sayniska. Waxay heleen aaladda CCTV.
20 qof ayaa ku dhintay xabsiyada booliiska afartii bilood ee la soo dhaafay. Mareykanka, Britain iyo EU ayaa dalbaday baaritaan daahfuran.
Ojwang wuxuu ka tagay xaas iyo ilmo 5 bilood ah. Wuxuu ahaa macalin laakiin wuu uga tagay mushahar yari dartiis sida lasheegay.
