MUQDISHO — Golaha Wasiirrada Xukuumadda Federaalka Soomaaliya ayaa maanta ansixiyey xubnaha Guddiga Tacliinta Sare ee Qaranka oo ka kooban 15 aqoonyahan.
Kulanka oo uu hoggaaminayay Ra’iisul Wasaaraha Xamsa Cabdi Barre ayaa lagu ansixiyey liiska aqoonyahanada leh khibrad dheer oo ku saabsan waxbarashada iyo maamulka.
Guddiga cusub ayaa waxaa guddoomiye loogu magacaabay Dr. Cabdinuur Maxamud, halka guddoomiye ku xigeenka loo dhigay Dr. Maxamed Cali Faarax.
Xubnaha guddigana waxaa ka mid ah Dr. Ayaan Sh. Cabdullaahi Maxamed, Dr. Axmed Adam Maxamed, Dr. Roble Ibrahim Liban, Dr. Cabdulqaadir Cabdulle Cibaar iyo kuwo kale.
Guddigan ayaa mas’uul ka noqon doona horumarinta hey’adaha tacliinta sare ee dalka. Wasaaradda Waxbarashada ayaa soo gudbisay magacyada guddigaan.
Kulanka ayaa sidoo kale looga hadlay dib-u-eegista qaab dhismeedka hey’adaha dowladda iyo sida loo waafajinayo shuruudaha xeerka.
Waxaa lagu bogaadiyey ciidamada qalabka sida iyo kuwa deegaanada ka hawlgallada ay wadaan ee dib-u-xoreynta dalka. Wasaaradda diinta iyo Awqaafta Sheikh Mukhtar Robow ayaa isaguna sidoo kale lagu ammaanay horumarinta adeegga Xajka.
