Dowladda Federaalka Soomaaliya ayaa si rasmi ah u bilowday wejiga labaad ee howlgalka dib-u-xoreynta ee ka socda Gobolka Shabeellaha Dhexe, iyagoo ujeedadoodu tahay in si buuxda looga saaro maleeshiyada Al Shabaab.
Ciidamada Xoogga Dalka iyo kuwa Difaaca Shacabka ayaa la wareegay dhowr deegaan oo horey ugu jiray gacanta Al Shabaab, kadib dagaallo culus oo ka dhacay gobolkaasi.
Howlgalkaan ayaa daba socda dadaallada ay Madaxda Qaranka ku doonayaan in laga xoreeyo gobollada dhexe ee dalka, gaar ahaan Hirshabelle iyo Galmudug, halkaas oo dagaalyahannada Al Shabaab ay dhibaato badan ka geysteen bilihii la soo dhaafay.
Ciidamada Dowladda Federaalka oo xoojinaya weerarada
Saraakiisha Ciidanka Xoogga Dalka ayaa sheegay in wejiga labaad ee howlgalka uu noqon doono mid aad uga adag kii hore, iyagoo ballan qaaday in aysan ka laaban doonin dagaalka ka dhanka ah argagixisada.
Wararka laga helayo deegaanka Runirgood ayaa sheegaya in ciidamada dowladda ay duqeymo culus la beegsadeen goobo muhiim ah oo ay ku sugnaayeen horjoogayaal ka tirsan Al Shabaab.
Taliska Militariga oo digniin culus u diray Al Shabaab
Taliyaha Ciidanka Xoogga Dalka, General Odawaa Yuusuf Raage, ayaa sheegay in dagaalkaan uu yahay mid lagu dhameystirayo burburka Al Shabaab ee gobollada dhexe.
“Ciidamadeennu way sii wadayaan dagaalka, wax shuruud ah lama gelinayo argagixisada, meel ay ku dhuuntaanna ma jiri doonto,” ayuu yiri Taliyaha CXD.
Dhanka kale, Wasiirka Gaashaandhigga, Cabdiqaadir Maxamed Nuur, ayaa shacabka ugu baaqay in ay ka fogaadaan goobaha dagaalka, si aan waxyeello ugu imaan.
Howlgallada ciidamada Dowladda Federaalka oo ku sii fidaya galbeedka Sh/Dhexe
Ciidamada Dowladda Federaalka ayaa hadda qorsheynaya in wejiga xiga ee howlgalka lagu beegsado dhulka ay wali ku harsan yihiin Al Shabaab, gaar ahaan galbeedka Shabeellaha Dhexe iyo xuduudda gobolka Hiiraan.
Madaxweynaha Dowladda Federaalka Xasan Sheekh Maxamuud ayaa horey u ballan qaaday in dowladdiisu ay soo afjari doonto dagaalka Al Shabaab, isagoo xusay in sanadkaan uu noqon doono mid guul laga gaaro dagaalka ka dhanka ah argagixisada.
Manta SNTV Ayaa sheegtay in Ciidamada Qaranka iyo Geesiyaasha dadka deegaanka ayaa saaka mar kale cashar lama illaabaan ah u dhigay Khawaarijta nafla caariga ah, kadib markii ay isku dayeen inay weeraraan fariisimo ay leeyihiin Ciidamada Qaranka.
Degmada Awdheegle ee Gobolka Shabeellaha Hoose iyo Agagaarka Buursha Sheekh ee Gobolka Shabeellaha Dhexe ayaa Khawaarijta saaka si wayn loogu jabiyay, iyadoo la ilaalinayo.
Dhanka kale, Ciidamada Qaranka ayaa habeen hore qorshaysan ku burburiyay goob Khawaarijtu ay isku aruursanayeen oo ku taalay deegaanka Laba-Garas ee gobolka Shabeellaha Dhexe, waxaana halkaas ka dhacay lagu laayay dhammaan waxyaabihii cadowga ahaa ee joogay.
Goor dhow la soco faah-faahino dheeraad ah oo ku saabsan muujinta.
📌 Wararka24 – Xog rasmi ah & Faahfaahin degdeg ah
