Dorashooyinka qof iyo cod Waa Lagu Qaban Doonaa Puntland iyo Jubbaland , DF Aya ku dhawaqday + qorshaha iyo qabkay udhici donta..

Wasiirka Arrimaha Dibadda ee Soomaaliya, Axmed Macallin Fiqi, ayaa wareysi xasaasi ah oo uu siiyay VOA kaga hadlay arrimaha dorashooyinka dalka, isaga oo xusay in dowladda uu hoggaamiyo Madaxweyne Xasan Sheekh ay ka go’an tahay hirgelinta nidaamka doorashada qof iyo cod ah.

Ahmed Fiqi ayaa sheegay in Villa Soomaaliya ay qorsheyneyso doorasho cadaalad ah oo awoodda dib loogu celinayo shacabka, isagoo intaa raaciyay in dadaallo socda ay horseedi doonaan xal waara oo laga gaaro muranka siyaasadeed ee ka taagan hannaanka doorashooyinka.

Fiqi ayaa shegay in Dorashooyinka qof iyo cod Waa Lagu Qaban Doonaa Puntland iyo Jubbaland

Wasiirka ayaa hoosta ka xariiqay in maamullada Jubbaland iyo Puntland – oo hadda ka soo horjeeda qorshaha doorashada ay ugu dambeyn qeyb ka noqon doonaan hirgelinta nidaamkan.

Waa laga gudbayaa nidaamka is addoonsiga ee qof maamul-goboleed jooga saf loo galo, shacabkana rahmad uma haysan karo. Dorashooyinka waxay ka dhici doontaa Puntland iyo Jubbaland,” ayuu yiri Wasiirka.

Sidoo kale, Wasiirka Arrimaha Dibadda, Ahmed fiqi ayaa wuxuu shacabka Soomaaliyeed ugu baaqay inay u diyaar garoobaan doorashada, kana aaminaan dowladda inay hannaanka doorashooyinka u maamuli doonto si hufan.

Hadalka Wasiirka ayaa imanaya xilli Soomaaliya ay ku jirto xaalad jahwareer siyaasadeed ah, iyadoo madaxda dowladda, mucaaradka, iyo qaar kamid ah madax-goboleedyada ay weli isku khilaafsan yihiin qaabka loo wajahayo doorashooyinka soo socda..