WASHINGTON — Madaxweynaha Mareykanka Donald Trump ayaa ka jawaabay eedeymo uu soo jeediyay Elon Musk oo ku andacoonaya in magaca Trump uu ku qoran yahay warqadaha Jeffrey Epstein ee aan weli la daabicin.
Elon Musk ayaa Khamiistii ku qoray boggiisa X “Waqtiga waa la gaadhay waqtiga in la rido miinada weyn: Trump wuxuu ku jiraa faylasha Epstein. Taasi waa sababta dhabta ah ee ay u diidayaan in ay dadweynaha siiyaan.
Trump ayaa Jimcihii ka jawaabay isagoo soo gudbiyay qoraal uu sameeyay David Schoen oo ahaa garyaqaankii hore ee Epstein. Schoen ayaa ku sheegay qoraalka “Jeffrey Epstein wax u waxyeeleeyi kara Madaxweyne Trump ma hayn.
Garyaqaanku ayaa yiri “Waxaan ahaa garyaqaankii difaaca Epstein 9 maalmood ka hor inta aanu dhiman. Waxaan si cad u sheegi karaa in uu wax u dhalin kara Trump ma uu hayn. Si toos ah ayaan u weyddiiyay!
Afhayeenka Aqalka Cad Karoline Leavitt ayaa dhacadan ku tilmaamtay “dhacdo murugo leh oo ka timid Elon oo ka xumaaday sharciga miisaaniyadda cusub.
Trump ayaa Khamiistii ku qoray boggiisa Truth Social “Elon Musk wuu i daalay, waxaan ka codsaday in uu iska tago. Waxaan ka qaadday amarada gaadhidhiga korontada ee dadka ku qasbanayay in ay iibsadaan baabuurta korontada ah oo aan qof doonayn.
Warqadaha Epstein ee la daabacay ayaa laga helay magaca Trump, madaxweynaha iyo Epstein waa hore isu yaqaaney, laakiin Trump ayaa sheegay in ay kala tageen 15 sano ka hor inta aan Epstein la qabanin oon lasoo edeyn.
Xubnaha Baarlamaanka Dimuqraadiga ah ayaa codsaday in la caddeeyo waxa uu Trump qariyayo ee ku saabsan warqadaha kale ee Epstein. Waxay ka codsadeen in FBI ay sharaxdo sababta aan weli la sii daynin warqadaha haray.
Maamulka Trump ayaa la filayaa in lagu cadaadiyo si loo sii daayo warqadaha kale ee ku saabsan arrintan.
