Muqdisho:- Warar soo baxaya gudaha magaalada Muqdisho ayaa tilmaamaya in la fulin doono xukunkii dilka toogashada ahaa ee lagu riday Sayid Cali, ninka loo haysto inuu gubay oo uu dilay xaaskiisa.
Xukunkaasi waxa hore ugu riday Maxkamadda Sare oo go’aamisay in toogasho kama dambays ah lagu xukumo. Saacadihii la soo dhaafay, warar lagu faafiyay baraha bulshada ayaa sheegay in fulinta xukunkaas uu aad udhowyahay.
Si kastaba ha ahaate, ilaa hadda ma jiraan ilo madax-bannaan oo xaqiijinaya in xukunkaasi dhab ahaantii la fulinayo, marka laga reebo wararka baraha bulshada lagu baahiyay.
