Gaalkacyo – Wararka ka imanaya magaalada Gaalkacyo ayaa sheegaya in maanta bartamaha suuqa magaalada lagu dilay ganacsade si weyn looga yaqaanay gobolka Mudug, kaas oo lagu magacaabi jiray Siyaad Cali Xirsi.
Goobjoogayaal ayaa sheegay in koox hubeysan ay ku weerareen xaruntiisa ganacsi, halkaasna ay ku toogteen, iyadoo uu isla goobta ku geeriyooday. Dilkan ayaa lagu sheegay inuu la xiriiri karo aano qabiil oo muddo dheer magaalada ka jirtay.
Laamaha ammaanka ee gobolka Mudug ayaa xaqiijiyay dhacdada, waxayna sheegeen in kooxdii dilka geysatay ay baxsadeen, iyadoo hadda lawado baaritaanno lagu raad joogo ragga logu tuhunsan yahay dilka.
Gaalkacyo ayaa muddo sanado ah wajahaysay dilal iyo dagaallo salka ku haya colaado qabiil, kuwaas oo marar badan sababay khasaare naf iyo maalba leh. Dilkan cusub ayaa sii kordhiyay walaaca ku saabsan xaaladda amniga ee magaalada.
