Wararka25: 22-02-2026 Jamhuuriyadda Federaalka Soomaaliya ayaa hambalyo diirran u dirtay Boqortooyada Sacuudi Carabiya munaasabadda Maalinta Aasaaska, oo astaan u ah taariikhda iyo hiddaha qaran ee Boqortooyada Sacuudiga.
Qoraal rasmi ah oo ka soo baxay dowladda Soomaaliya ayaa hambalyo iyo bogaadin gaar ah loogu diray Ilaaliyaha Labada Masjid ee Barakeysan, hoggaanka, dowladda iyo shacabka Sacuudi Carabiya, iyada oo loo rajeynayo xasillooni waarta, barwaaqo iyo horumar sii socda.
Dowladda Federaalka Soomaaliya ayaa sheegtay inay si weyn u qadarinayso xiriirka walaaltinimo ee qotada dheer iyo iskaashiga istiraatiijiga ah ee ka dhexeeya labada dal, kaas oo ku dhisan ixtiraam, kalsooni iyo danaha wadajirka ah.
Sidoo kale, Soomaaliya ayaa muujisay rajadeeda ah in xiriirka labada dal uu sii xoojin doono iskaashiga dhinacyada siyaasadda, dhaqaalaha iyo arrimaha bulshada, si loo gaaro horumar ay wada gaaraan labada shacab.
