Ra’iisul wasaarihii hore ee Soomaaliya, Maxamed Xuseen Rooble, ayaa si kulul uga hadlay dagaalkii maanta ka dhacay xaafadda Tarabuunka ee degmada Hodan, isagoo ku tilmaamay musiibo qaran oo aan la aqbali karin.
Rooble ayaa sheegay in aan la aqbali karin in shacabka iyo dadka maatada ah lagu beegsado hub culus, taas oo uu ku tilmaamay mid ka hor imanaysa bani’aadantinimada, sharciga iyo qiyamka bulshada Soomaaliyeed. Wuxuu tacsi u diray ehellada dadkii ku dhintay, wuxuuna caafimaad u rajeeyay kuwa dhaawacmay.
Sidoo kale, Rooble ayaa ku baaqay in si degdeg ah ciidanka ku sugan Tarabuunka halkaas laga qaado, kuwa ku lugta lahaa falkaasna sharciga la hor keeno, si loo xaqiijiyo caddaalad, lagana hortago in dhacdooyin noocan ah ay mar kale soo noqdaan.
