Xiis Xarago oo ka hadlaysay “live” TikTok ayaa ku eedeysay fannaan Nimcaan Hilaac in uu ka doortay baasaboor iyo cabsi uu ka qabo xaaskiisa kale, halkii uu ka garab istaagi lahaa ilmaha ay dhashay.
Xiis ayaa sheegtay in ay ogolaatay inay guursato Nimcaan xilli ay ogtahay inuu xaas hore leeyahay, isla markaana ay dulqaad u samaysay inuu inta ay isla joogaan la hadlo xaaskiisa kale. Waxay intaas ku dartay in marka ay uurka qaadday uu ku beddelay dabeecad cusub, isagoo ka baqaya xaaskiisa kale iyo arrimaha socdaalka.
Waxay ku eedeysay in uu hadda ku handadayo inay baraha bulshada ku faafiyo muuqaal ay ku xiran tahay dirac khafiif ah, haddii aysan ka aamusiin sheekadan. Xiis ayaa sheegtay in aysan rabin lacag ama dib u helid Nimcaan, balse kaliya ay doonayso inuu qirto in ilmaha ay dhashay uu yahay wiilkiisa.
