MUQDISHO — Ra’iisul Wasaare Xamse Cabdi Barre ayaa maanta amar ku bixiyay in la fasaxo duulimaadyada tooska ah ee aadi jiray Kismaayo, Dhoobley iyo duulimaadka Kismaayo-Nairobi.
Amarka ayaa ku timid kadib codsi ay dadweynaha reer Jubbaland u soo jeediyeen Ra’iisul Wasaaraha. Codsiga ayaa ku saabsanaa in la furo duulimaadyada gobolka.
Wararka ka soo baxaya xafiiska Ra’iisul Wasaaraha ayaa manta lagu xaqiijiyay in la bilaabayo duulimaadyada juballand dib loo furayo. Waxaa la filayaa in shirkadaha diyaaradaha ay bilaabaan jadwalkooda caadiga ah.
Duulimaadyada Jubbaland ayaa xayirnaa mudo kadib khilaafi u dhexeeyay dowladda federaalka iyo maamulka Jubbaland. Xayiraadda ayaa saameyn weyn ku yeelatay ganacsiga iyo isu socdka dadweynaha Jubbaland.
Garoonka diyaaradaha Kismaayo ayaa ka mid ah midka ugu muhiimsan koonfurta Soomaaliya. Wuxuu u adeegaa gobolada Jubbooyinka oo idil.
Amarka cusub ayaa la filayaa inuu yareeyo culayska saarnaa dadweynaha ku nool Jubbaland oo u baahday inay u safraan gobolo kale ama dibadda.
Mas’uuliyiinta shirkadaha diyaaradaha ayaa soo dhaweeyay go’aanka Ra’iisul Wasaaraha waxayna sheegeen inay diyaar u yihiin inay dib u bilaabaan adeegyadooda.
