GAROWE — Maamulka Puntland ayaa si rasmi ah u sheegay inaysan aqoonsanayn Maamulka SSC-Khaatumo, iyagoo ku andacooday in deegaannadaasi ay qeyb ka yihiin Puntland ilaa laga qabto Shirweyne Qaran oo lagu go’aaminayo mustaqbalka dalka.
War kasoo baxay Garowe ayaa lagu yiri in arrimaha gobolladaas ay u baahan yihiin in lagu dhameeyo si heshiis qaran ah oo mideysan, ayna lagama maarmaan tahay in aan go’aan hal dhinac ahi laga gaarin oo aan lagu dhisin.
Maamulka Garowe waxay sidoo kale sheegeen inay diyaar u yahiin wada-hadal kasta oo ku saabsan xalinta khilaafaadka gudaha, balse aysan aqbali doonin in maamul loo dhiso si ka baxsan nidaamka qaran ee la isku raacsan yahay.
