Muqdisho, Sept 27, 2025 (Wararka24) – Madaxweynaha Soomaaliya Xasan Sheekh Maxamuud ayaa sheegay in garaadka macmalka (AI) uu saamayn ku yeeshay sumcaddiisa kadib markii la sameeyay muuqaallo, sawirro iyo codad been abuur ah oo isaga laga aqaanin.
Madaxweynaha ayaa tilmaamay in dad badan ay ku jahawareereen muuqaalada iyo codadka lagu sameeyay farsamada AI,
Kuwaas oo lagu faafiyay baraha bulshada. Arrintan ayuu ku sheegay mid dhaawac ku ah kalsoonida shacabka iyo muuqaalka hoggaanka dalka.
Muuqaallada gacan-ku-samaynta ah ayaa ay sameeyeen dhalinyaro isticmaala baraha bulshada, kuwaas oo qaarkood beddeley heestii “Birmade Xasan Sheekh” una rogay nooc kaftan iyo dhalanrog ah.
Booliska ayaa xabsiga dhigay dhallinyarada isku duubay hestas labadaley, qaarkalena baadi good ugu jira sida uu booliska sheegay..
Sidoo kale waxaa la faafiyay muuqaal u eg madaxweyne Xasan Sheekh oo arrimo siyaasadeed iyo kuwo kale oo xasaasi ah ka hadlayo
Taas oo sii kordhisay muranka ku saabsan adeegsiga qalabka garaadka macmalka ee dalka.
