Dr. Adan Cabdullahi Awxasan ayaa maanta ku guuleystay xilka Guddoomiyaha Baarlamaanka maamulka Waqooyi-Bari, kadib doorasho xiiso badan oo ay si weyn isugu heysteen garabyada siyaasadda gobolka.
Dr. Adan oo kasoo jeeda beesha Hawiye, Cayr, Fiqishini, ayaa ahaa musharrax si toos ah ay u taageerayeen Dowladda Federaalka Soomaaliya iyo garabka uu hoggaamiyo Madaxweyne Firdhiye. Guushiisa ayaa ah mid muhiim ah oo xoojineysa saameynta dowladda federaalka ee maamulkaas.
Dhanka kale, tartanka maanta ayaa dhirbaaxo kale ku noqday mucaaradka Waqooyi-Bari ee isbahaysiga ahaa, kuwaas oo u taagnaa musharax kale balse lagu guuleystay. Doorashadan ayaa astaan u noqotay awood-sheegashada ka dhex taagan siyaasadda maamulkaasi.
