Maamulka Jubaland ayaa maanta war culus ka soo saaray dagaallo ka socda gobolka Gedo. Dagaallada ayaa ka dhacay magaalooyinka Doolow iyo Beledxaawo. Jubaland waxay sheegtay in ciidamo dowlada ay xalay weerareen xarumaha ciidamadooda ee Doolow. Weerarkaas ayay ku tilmaameen mid sharci darro ah.
Dagaal kale oo xooggan ayaa shalay ka dhacay Beledxaawo. Ciidamo ka tirsan dowladda federaalka ayaa la sheegay inay weerareen meel ay joogeen ciidamada Jubaland.
Weerarka Beledxaawo waxaa laga soo qaaday xerada UK. Dagaalkaas ayaa sababay barakac dadweyne oo ballaaran. taak oo keentay in dadka deegaanka ay guryahooda ka qaxay. Waxaa sidoo kale dhacay burbur hantiyeed oo xooggan.
Maamulka Jubaland waxay ku eedeysay dowladda federaalka inay toddobaadkii la soo dhaafay weerarro joogto ah ka waddo Beledxaawo. taas ayay ku tilmaameen qorshe lagu carqaladeynayo amniga gobolka.
Colaadahan cusub ayaa wiiqaya dagaalka ka-dhanka ah kooxda khawaarajiinta Al-Shabaab. Jubaland waxay sheegtay in dowladdu xoogga saari lahayd amniga. degmada Maxaas oo aydhawaan gacanta ku dhigtay Al-Shabaab. Arrintaas ayaa muujinaysa khatarta khilaafka siyaasadeed.
Jubaland waxay ku adkeysatay inay difaaci doonto dhulkooda. waxay balan qaadday inay ilaalin doonto amniga dadka deegaanka. xaaladda Gedo ayaa sii xumaanaysa. Dadka deegaanka ayaa u baahan nabad iyo xasillooni deg deg ah.
