Ra’iisul Wasaaraha Soomaaliya, Mudane Xamza Cabdi Barre, ayaa xalay booqday dhaawacyada ciidamada Qaranka iyo kuwa deegaanka ee ku waxyeelloobay dagaalka lagula jiro kooxaha Khawaarijta. Dhaawacyada ayaa lagu baxnaaninayaa Isbitaallada Xoogga Dalka iyo Erdogan (Ex Digfeer).
Ra’iisul Wasaaraha ayaa mid mid u booqday qaar ka mid ah ciidamada dhaawacmay, isagoo ka xogwareystay xaaladdooda caafimaad. Wuxuu Alle uga baryay caafimaad deg-deg ah wuxuuna ku dhiirrigeliyay adkeysiga iyo dadaalka ay ugu jiraan difaaca dalka.
“Waxaa guuleystay qofkii dila Khawaarijta ama ay dilaan. Waxaan rabnaa in ciidamada qalabka sida iyo kuwa deegaanka ay helaan isbitaallo casri ah oo lagu baxnaaniyo,” ayuu yiri Ra’iisul Wasaare Xamza.
Ra’iisul Wasaaraha ayaa xusay in Xukuumadda DanQaran ay garab taagan tahay halyeeyada naftooda u huraya difaaca dalka iyo ciribtirka argagixisada.
Dhanka kale, dagaalka u dhaxeeya ciidamada dowladda iyo Al-Shabaab ayaa sii xoogeystay. Ugu yaraan 50 xubnood oo ka tirsan Al-Shabaab ayaa lagu dilay howlgal duqeyn ah oo laga fuliyay deegaanka Damasha Shabeelow ee gobolka Shabeellaha Dhexe.
Taliska Ciidanka Xoogga Dalka ayaa sheegay in howlgalka lagu dilay Mansoor Timo-Weyne, oo ahaa horjoogihii kooxda u qaabilsanaa adeegsiga gawaarida dagaalka.
“Howlgalkan wuxuu bartilmaameedkiisu ahaa xubno muhiim u ah kooxda, gaar ahaan Mansoor Timo-Weyne, oo dhowaan ka yimid Buulo Fulay isaga oo waday gaadiid la dayactiray,” ayaa lagu yiri bayaanka CXDS.
Intii uu socday howlgalka, waxaa la burburiyay saddex gaari oo dagaal, kuwaas oo kooxda ay u adeegsan jirtay weerarrada ay ka fuliso gobollada Shabeellaha Dhexe iyo Shabeellaha Hoose.
DFS ayaa cadaadis weyn kuhaysa khawaarajinta, shali waxaa gabi ahaanba laga xiray baraha bulshada khawaarajinta, iyo halki ay warkooda gabi ahaanba kusoo gudbin jireen..
Wasaaradda Warfaafinta Soomaaliya ayaa sheegtay in la xiray 12 warbaahin oo ay Al-Shabaab si toos ah u isticmaali jireen, iyadoo dowladda horey u xirtay in ka badan 30 website oo ay kooxdaasi ku lahayd internet-ka.
MD Xassa sheikh ayaa isna horay ubalan qaaday iney heli doonaan daryeel caafimaad oo tayo sare le dhamaan askarta ku dhaawacanta dagaalka lagula jiro khawaarajinta,
Ra’iisul Wasaaraha Soomaaliya, Mudane Xamza Cabdi Barre, Sawiro booqashadi dhalinyaradii ku dhaawacantay dagaalka kadhanka khawaarajinta..
