Garoowe, Puntland – Maamul-goboleedka Puntland ayaa maanta si adag uga horyimid qorshe cusub oo ay Dowladda Federaalka waddato kaasoo la xiriira arrimaha bini’aadantinimada.
Wasaarada gargaarka iyo Maareynta Masiibooyinka Puntland oo shaacisay warsaxaafadeed ayaa sheegtay in arintaan ay wax weyn udhimeyso awoodaha dastuuriga ah ee Dawlad Goboleedyada xubnaha ka ah DF,
Gaar ahaan howlaha gargaarka dowlada oo lagu xiray qaadashada kaarka ay bixiso Hay’adda Qaran ee NIRA ee DFS ku dooneyso inay kumideeyso dadka soomaliyeed Guud ahaan Dalka oo dhan, Warsixaafadeedka Maamulka ayaa u dhigna..
Dowladda Puntland ee Soomaaliya waxay ka muujinaysaa walaac weyn oo ku saabsan wada-hadalladii dhawaan dhexmaray Hay’adda Maareynta Masiibooyinka Soomaaliyeed (SoDMA) iyo Hay’adda Diiwaangelinta iyo Aqoonsiga Qaranka (NIRA), kuwaasoo ku saabsan soo jeedin ah in la mideeyo diiwaangelinta dadka barakacayaasha ah (IDPs) isla markaana lagu daro nidaamyo diiwaangelin oo heer federal ah.
Soo-jeedimahan waxay si toos ah uga hor imaanayaan awoodaha dastuuriga ah ee Dawlad Goboleedyada xubnaha ka ah Federaalka (FMS), kuwaasoo si cad masuul uga ah diiwaangelinta iyo maaraynta dadka ku sugan dhulkooda. Isku day kasta oo lagu baabi’inayo awoodahan waa mid hoose u dhigaya qaab-dhismeedka dowladnimo ee ku saleysan federaalka ee ku xusan Dastuurka KMG ee Soomaaliya.
Kulankii NIRA & SoDMA: Qorshaha Puntland?
Wasaaradda Gargaarka Puntland ayaa shaacisay in kulankii u dhexeeyay hay’adaha NIRA iyo SoDMA lagu wada hadlay midoow diiwaangelinta barakacayaasha (IDPs) iyo sidii gargaarku ugu xidhan lahaa aqoonsiga NIRA. Halkan ayay DGP ka digtay in dowladda dhexe ay isku dayneysaa inay wiiqdo awoodaha dowlad-goboleedyada.
Wararka ayaa sheegaya in Ra’iisul wasaare Xamze Abdi Bare uu amray in aan la siin adeeg gargaar qof aanan haysan aqoonsi NIRA Taas oo DF ay ku dooneyso in lagu mideeyo guud ahaan shacabka soomaliyeed meelkasta oo ay kajoogaan dalka lkn nasiib daro Maamul gobaleedka puntland ayaa markale ka horyimid hori usocodka qorshahaan?
Maamulka Puntland ayaa sheegaya inay diyaar u yihiin inay la shaqeyso cid kasta oo ka shaqeyneysa horumarka iyo u adeegida dadka gargaarka u baahan, iyadoo ilaalineysa mabaadi’da iyo madax-bannaanida dastuurkeeda? LKN Uma Muuqato inay kawado DF soomalia!
Wararka24 – Xog rasmi ah oo faahfaahin degdeg ah
