Labada wadan ee deriska ah, ee India iyo Pakistan ayaa ku guuleystay in ay gaaraan heshiis xabad joojin ah oo degdeg ah, si loo dejiyo xiisad colaadeed oo dhowaan si xawli ah u kacday, taasoo sababtay dhimashada in ka badan 60 qof.
Heshiiskan ayaa yimid kadib dedaallo diblomaasiyadeed oo lagu xallinayo khilaafka u dhexeeya labada wadan ee leh quwada weyn ee hubka nukliyeerka leh. Madaxweynaha Mareykanka Donald Trump ayaa fariin uu bartiisa (Truth Social) ku qoray ku xaqiijiyay in labada dal ay ogolaadeen in ay joojiyaan Dagaalka si looga hortago xiisad hor leh.
Maalmihii u dambeeyay, India iyo Pakistan ayaa waxa ka-socday Dagaal xoogan kaas oo ay labada dhinac-ba la-iska duqeeyey xarumaha milatariga oo ku kala yaalla labada dhinac ee xuduudda, iyadoo ay jireen warar sheegaya in Hindiya ay isticmaashay gantaallo ridada fog si ay u beegsato saldhigyada Pakistan ay leedahay.
Islamabad ayaa arrintaas uga jawaabtay weerar ay u bixisay “Howlgalka Bunyaan Marsoos”, kaasoo lagu tilmaamay mid is-difaac ah, India aya lagu gaarsiiyey qasaaro lagu tilmamay mid kabadan midka ay iyaga Pakistan ugeysatay.
Ilo wareedyo diblomaasiyadeed ayaa sheegaya in Mareykanka iyo dalal kale oo saaxiib la ah labada dhinac ay door weyn ku yeesheen sidii heshiiskan xabad joojinta ah loo suurtagelin lahaa.
Wuxuu sidoo kale muujinayaa in labada dal ay dareemayaan baahida loo qabo in laga fogaado colaado cusub oo keeni kara khasaare baaxad leh oo gudaha iyo gobolkaba saameeya.
