Frank Caprio, garsoorihii Maraykanka ee caan ku ahaa dulqaadka iyo naxariista uu umuujin jiray dadka maxkamadiisa yimaada, ayaa geeriyooday manta isagoo 88 jir ah kadib dagaal uu mudo kula jiray cudurka weyn ee kansarka pancreas-ka. Qoyskiisa ayaa sheegay in uu udhintay si nabad ah, maalin kaddib markii uu bulshada ka codsaday inay usoo duceeyaan.
Caprio waxa uu in ka badan 40 sano u shaqeyn jiray maxkamadda magaalada Providence ee gobolka Rhode Island, ka hor inta aanu ka fariisan sanadkii 2023. Waxa uu caan ka noqday barnaamijka telefishinka Caught in Providence, kaas oo lagu daawan jiray isaga oo kiisaska maxkamadda si naxariis iyo cadaalad leh u xallin jiray mar walba. Muuqaalladiisa ayaa baraha bulshada ku faafay, waxaana lagu naanaysi jiray “garsooraha ugu naxariista badan.”
Mid ka mid ah dhacdooyinkii ugu xusuusta badnaa ee Frank Caprio ayaa ahayd markii uu ganaax ka cafiyey nin 96 jir ah, isagoo ku tixgeliyey xaaladdiisa caafimaad iyo da’da weyn ee uu jiray. Geeridiisa kadib, guddoomiyaha gobolka Rhode Island Dan McKee ayaa amray in calammada gobolka hoos loogu dijiyo si loo maamuuso garsooraha
