ANKARA — Madaxweyne Recep Tayyip Erdogan ayaa telefoonka kula hadlay dhiggiisa Ruushka Vladimir Putin xilli ay socoto dagaalka Israel iyo Iran.
Erdogan ayaa sheegay in bariga dhexe uusan u dulqaadan karin dagaal kale. Wuxuu ku eedeeyay Israel inay khatar ku tahay amniga gobolka.
“Rabshadaha joogtada ah ee ka bilowday weeraradii Israel ee Iran ayaa amniga gobolka oo dhan halis galiyay,” ayuu yiri Erdogan.
Madaxtooyada Turkiga ayaa sheegtay in hab dhaqanka Netanyahu uu khatar ku yahay nidaamka caalamiga ah. Erdogan wuxuu sheegay in gobolka uusan u dulqaadan karin dagaal cusub.
Putin iyo Erdogan ayaa ku baaqay joojinta dagaalka si deg deg ah . Labada hoggaamiye ayaa sheegay in khilaafka lagu xalliyo wadahadal siyaasadeed.
Kremlin ayaa sheegtay in labada dhinac ay ka walaacsan yihiin xiisadda sii kordheysa.
Waxay sheegeen in dagaalku uu keeni karo cawaaqib xun oo Ka dhaca gobolka oo dhan.
Wada hadalka ayaa dhacay June 16. Labada madaxweyne ayaa ku heshiiyay inay sii wadaan xiriirka si loo xalliyo xaaladda.
