Wararka24: 9-02-2026 Wasiirka Wasaaradda Qoyska iyo Horumarinta Xuquuqul Insaanka Xukuumadda Federaalka Soomaaliya Khadiija Maxamed Al-Makhzoumi ayaa magaalada Muqdisho kusoo xirtay munaasabadda Todobaadka Haweenka Soomaaliyeed iyo Bandhigga Ganacsiga Haweenka, oo qayb ka ahaa xuska Maalinta Caalamiga ah ee Haweenka Adduunka 8-da Maarso.
Munaasabadda xiritaanka ayaa waxaa ka qayb galay mas’uuliyiin ka tirsan dowladda, safiirka Turkiga u fadhiya Soomaaliya Alper Aktaş, Guddoomiyaha Gobolka Banaadir, Wasiirka Gaashaandhigga Axmed Macallin Fiqi, iyo mas’uuliyiin kale.
Mas’uuliyiinta ka qayb galay ayaa booqday goobaha ay haweenka ganacsatada ah kusoo bandhigayeen wax soo saarkooda, iyagoo ku dhiirri geliyay haweenka doorka ay ka qaadanayaan horumarinta dhaqaalaha iyo bulshada.
Safiirka Turkiga ee Soomaaliya Alper Aktaş ayaa ku ammaanay Wasaaradda Qoyska dadaallada ay ku bixinayso taageerada iyo dhiirrigelinta haweenka Soomaaliyeed, isagoo sheegay in arrintani ay ka tarjumeyso horumarka ka socda Soomaaliya.
Wasiirka Gaashaandhigga Axmed Macallin Fiqi ayaa sidoo kale bogaadiyay haweenka Soomaaliyeed, isaga oo xusay doorka ay ku leeyihiin horumarinta bulshada iyo taageerada hawlgallada lagu xaqiijinayo amniga dalka.
Wasiir Khadiija Maxamed Al-Makhzoumi ayaa uga mahadcelisay haweenka ganacsatada ah ka qayb galka bandhigga iyo hal-abuurkooda ganacsi, iyadoo sheegtay in m
