NAIROBI — Nin 23 jir ah oo farsamo yaqaan ayaa qirtay inuu lacag ku qaatay tirtirka muuqaalka CCTV ee xabsiga Central Police Station. Ninkan ayaa sheegay in la siiyay 3,000 shilin Kenya si uu u baabi’iyo caddaynta dilka blogger Albert Ojwang.
Farsamo-yaqaanka ayaa la xiray ka dib markii uu qirtay inuu tirtiray qaar-kamid ah nidaamka ilaalada muuqaalka CCTV. Arrintani waxay sii xoojisay shakiga ku saabsan sida uu u dhintay blogger Albert Ojwang.
Hay’adda IPOA ayaa hore u sheegtay in baaritaankooda uu caqabad ku noqday muuqaal la’aanta CCTV. Gaar ahaan waxaa maqnaa muuqaalka xafiiska sarkaalka saldhigga Samson Talaam.
Anne Wanjiku oo ka tirsan IPOA ayaa Arbacadii u sheegtay baarlamaanka in muuqaaladi muhiimka ahaa la tirtirtay ama uusan jirinba. Tani waxay su’aalo dheeraad ah ka keentay dhimashada Ojwang.
James Mukhwana oo askari ka ah saldhigga ayaa Khamiistii la xiray. Waxaa qabtay ciidanka baaritaanka (DCI) Waxaa la filayaa in lagu soo oogo dacwad dil ah.
Baaritaanka ayaa weli socda. Saraakiisha ayaa isku dayayaa inay ogaadaan sida saxda ah ee uu u dhintay Ojwang Bishan June 8. Dhakhaatiirtu waxay sheegeen inuu ku dhintay garaacid ama girdil loo geystay.
Lacagta 3,000 shilin ee farsamo-yaqaanka la siiyay ayaa muujinaysa in uu qorshe ahaa dilkan. Arrintani waxay kor u qaadaysaa dooda ku saabsan dilka Ojwang.