Wararka24: Madaxweynaha Faransiiska, Emmanuel Macron, ayaa khudbad muhiim ah u jeediyay shacabka Faransiiska iyo Yurub, isagoo ku nuux-nuuxsaday baahida degdegga ah ee loo qabo xoojinta difaaca Yurub, xilli ay cirka isku sii shareerayso hubanti la’aanta dammaanad qaadka amniga ee Maraykanku bixin jiray.
Macron wuxuu carrabka ku adkeeyay in Yurub aysan laalaadin karin amnigeeda, islamarkaana loo baahan yahay inay diyaar u noqoto inay difaacdo Ukraine iyo qaaradda oo dhan haddii Ruushku sii wado halis gelinta gobolka. Wuxuu ku baaqay shir sare oo ay isugu imaanayaan wasiirrada difaaca iyo taliyeyaasha ciidammada Yurub, kaasoo toddobaadka soo socda lagu qaban doono Paris, si looga arrinsado horumarinta awoodda nukliyeerka iyo dib u hubeynta Yurub.
Sidoo kale, Macron wuxuu caddeeyay inay dhaqangelinayaan baaqa hoggaamiyaha cusub ee Jarmalka, Friedrich Merz, kaasoo horey u soo jeediyay in Faransiiska iyo Ingiriisku ballaariyaan hubkooda nukliyeerka si Yurub u hesho difaac adag. Arrintan ayaa laga yaabaa inay horseeddo in madaxyo nukliyeer ah la geeyo waddamada Yurub si looga hortago khatar kasta oo soo wajahda amniga gobolka.
Hadalkan Macron ayaa yimid xilli Yurub ay wajahdo cadaadis ballaaran oo dhanka difaaca ah,
Iyadoo dalalka qaar ay dareemayaan baahi weyn oo ay iskaga filnaadaan amni ahaan, maadaama taageeradii Mareykanka ay mugdi sii galeyso.
Aqalka cad ayaa 4tii Marso ku dhawaaqay in Madaxweyne Donald Trump uu hakiyay gargaarkii millatari ee Mareykanku siin jiray Ukraine, tallaabadan oo imaneysa xilli xiisadda colaadeed ee Ukraine iyo Ruushka ay weli taagan tahay.
Donald Trump ayaa cadaadis saaraya in si degdeg ah loo soo afjaro dagaalka u dhexeeya Ukraine iyo Ruushka, halka Zelenskyy uu ka dhawaajiyay walaac ah in xalka uu Trump wato uu si toos ah faaido uyahay Ruushka ee uu san xal ugu jirin ukraine..
Kulanki zelenskyy iyo trump ee aqalka cad ayaa ku dhamaaday si aan lafileyn iyado war baahinta marekenka Fox News Ay sheegtay in madaxweynaha ukraine laga ceyriyey aqalka cad..
Wararka manta
Wasiirada Ciyaaraha Puntland Oo Sheegtay Inaysan Tahriibin?
ShareWasiirada Ciyaaraha ee maamulka Puntland ayaa xaqiijisay inay haatan ku sugan tahay dalka Germany, iyadoo sheegtay in safarkeeda uu la xiriiro xaalad caafimaad. Bayaan ay soo saartay Wasiiradu, ayaa lagu caddeeyay in safarkeeda aanu…
Dr. adan Musharraxii Garabka Firdhiye oo ku guulaystay GuddoomIyaha baarlamaanka GWB
ShareDr. Adan Cabdullahi Awxasan ayaa maanta ku guuleystay xilka Guddoomiyaha Baarlamaanka maamulka Waqooyi-Bari, kadib doorasho xiiso badan oo ay si weyn isugu heysteen garabyada siyaasadda gobolka. Dr. Adan oo kasoo jeeda beesha Hawiye,…
DEGDEG: Amran Axmed Xasan Oo Loo Doortay Guddoomiye Ku-xigeenka Koowaad Ee Baarlamaanka Waqooyi-Bari
ShareMarwo Amran Axmed Xasan ayaa maanta loo doortay Guddoomiye ku-xigeenka koowaad ee Golaha Baarlamaanka Waqooyi-bari. Doorashadeeda ayaa noqotay guul kale oo ay xildhibaanada taageersan Madaxweyne Firdhiye ka gaareen tartankii siyaasadeed ee golaha ka dhex…
