MUQDISHO — Dowladda Soomaaliya ayaa soo saartay muuqaal laga duubay duqeyntii shalay ka dhacday Aadan Yabaal ee Shabeellaha Dhexe.
Duqeynta ayaa lagu beegsaday guri uu degganaa Xasan Nuur oo sarkaal Al-Shabaab ah. Gurigu wuxuu ku yaalay xaafadda Waaberi.
Muuqaalka ayaa muujinaya marka ay ciidamo Sirdoonka qaranka NISA u shaqeeya ay guriga ka duubeen kahor duqeynta. Waxa kalo mesha yaalay gaari Beebe ah oo kooxdu horay uga furteen dowladda.
Muuqaalka waxaa ka soo muuqda saddex sarkaal oo muhiim ah:
- Cali Ibraahim Geesey (Cali Rooti) – madaxa caafimaadka
- Mahad Xasan – darawalka gaarka ah
- Abuurkar Cali Aadan – ku xigeenka horjoogaha guud
Saraakiisha ayaa la arkayaa iyagoo is qarinaya daqiiqado kahor duqeynta. Waxay daawanayaan sida gaariga Beebaha loo keydiyay gudaha guriga.
NISA oo fulisay duqeyntan ayaa sheegtay in 12 xubnood oo Al-Shabaab ah lagu dilay. Kuwaasi waxaa ka mid ah:
- Horjooge Carabey – madaxii gaadiidka
- Mustaf Jareere – ka mas’uulka sameynta gaadiidka
Xamsa Faracadde oo saadka u qaabilsan ayaa ka mid ah kuwa dhaawacmay. Dowladda ayaa xaqiijinaysa tirada guud ee la dilay.
Gurigu wuxuu ahaa goob lagu keydiyo hubka kooxda. Sidoo kale waxaa lagu abaabulay maleeshiyaadka deegaanka. hoos ka daawo muqaalka