Urur Siyaasadeedka Cadaaladda iyo Wadajirka JSP oo ay ku mideysan yihiin Madaxda DFS iyo Madaxda saddex dowlad goboleed ayaa caawa lagu dhawaaqayaa, iyadoo shirweyinihii u horreeyay ee uu yeelanayo Golayaashiisa.
Madaxweyne Xasan Sheekh ayaa noqonaya Guddoomiyaha ahna Musharaxa JSP, iyadoo uu yeelanayo illaa afar Guddoomiye Kuxigeen oo lagu salleeyay saami qeybsiga dhanka beelaha, kaddib todobaadyo si adag la isugu hayay qaab dhismeedka dhanka hoggaanka.
Dadka odorasa siyaasadda ayaa aaminsan in Xisbigan uu yahay mid isku qaatay dhammaan awooddii dowladda dhexe iyo tan Dowlad Goboleedyada Koofurta, waxaana sidaas meesha uga baxaya kalsoonida lagu qabi karo siyaasad loo dhan yahay oo ka timaada madaxda ku mideysan. Waxaana dad badan is waydiinayaan sida uu Xisbigu ku soo socon karo,
Maadaama uu yahay Isbahaysi isku danaysi ah oo dhinacyada ku mideysan ay yihiin kuwo damacoodu yahay xukun dheereysi, oo muddo xileedkooda hadda ka dhamaaday, kuwana hal sano u dhiman yahay
Tan ayaa imaneysa iyadoo doorashadu fooda inagu soo hayso, waxa bilaabmay isbahaysi siyaasadeed oo cusub Madaxweynaha Soomaaliya iyo qaar badan oo ka mid ah madaxda maamul goboleedyada ayaa maanta oo Talaadado ah Muqdisho ka daah furay xisbi siyaasadeedka Cadaalada iyo Wadajirka (JSP) waxaa hogaamin doona gole hogaamineed, oo ka kooban hogaamiye, afar ku xigeen iyo xoghaye guud.
Madaxweynayaashii hore Shariif Shiikh Axmed , Maxamed Cabdullahi farmaajo, Madaxwaynaha maamulka goboleedka Puntland Siciid Cabdullahi Deni iyo madax kale oo badan oo caan ka ah siyaasadda oo qaarkood wata xisbiyo siyaasadeed ayaa la filayaa inay la tartamaan xisbiga cusub si ay fursad ugu helaan hoggaanka dalka laga bilaabo sanadka soo socda.
Siyaasiyiinta qaar ayaa la dhacsan jawig siyaasadeedkan cusub halka kuwa qaar kasoo horjeedan