MINNESOTA — Nin soo xirtay dharka booliis ayaa saaka hore dilay xildhibaan ka tirsan golaha Minnesota iyo ninkeeda, halka uu ku dhaawacay senator kale iyo xaaskiisa.
Melissa Hortman iyo ninkeeda Mark ayaa lagu dilay gurigooda ku yaalla Brooklyn Park saacadii 4:30 subaxnimo. Hortman waxay ahayd hoggaamiyihii hore ee Golaha Wakiillada Minnesota.
Senator John Hoffman iyo xaaskiisa Yvette ayaa lagu toogtay gurigooda Champlin saacado ka hor. Iyaga oo dhaawac xun ah ayaa la geeyay isbitaalka Mercy.
Ninka weerarka geystay ayaa xirnaa dhar booliis oo been abuur ah. Markii booliiska dhabta ahi ay yimaadeen guriga Hortman, ayuu rasaas furay dabadeedna baxsaday.
Vance Boelter oo da’diisu tahay 57 sano ayaa ah ninka dilka geystay oona la raadinayo. Waa nin cad ah, Ilaa hadda ma la qaban.
Booliiska ayaa gaadhiga Boelter ka helay warqad ku qoran magacyada xildhibaano kale. Arrintani waxay muujinaysaa in weerarku uu ahaa mid la qorsheeyay.
Kumanaan booliis ah ayaa baaritaan ku samaynaya Brooklyn Park. FBI ayaa ka qayb qaadanaysa howlgalka. Dadka deegaanka ayaa la faray inaysan guryahooda ka bixin.
Madaxweyne Donald Trump ayaa sheegay: “in dhacdadaan naxdinta leh aan la aqbali doonin in ay ka dhacdo dalka Mareykanka.” Wasiirka Cadaaladda Pam Bondi ayaa ballan qaaday in dembilaha maxkamad la soo taagi doono.
Tim Walz oo ah guddoomiyaha Minnesota ayaa sheegay in weerarku uu ahaa mid siyaasadeed. “Khilaafka siyaasadeed laguma xalliyo rasaas,” ayuu yiri.
Dadka ayaa laga digay inay ka qayb galaan bannaanbaxyo maanta la qorsheeyay Minnesota. Sababtu waxay tahay khatarta jirta dhacday awgeed,
Waxa la qorsheynayey in ay Minnesota ka dhacdo manta banaan-bax looga soo horjeeda talada madaxweyne Donald Trump, banaanbaxa ayaa looga magacdaray, NO KING, oo Macnaheedu tahay Mayeeleyno Boqor,
Talada madaxweynaha Mareykanka Trump ayaa dad badan u arkan mid kaligis talis-nimo madama uu dhowr jeer ka horyimid goaano ay soo saartay, maxkamada sare ee dalkaas.
