MUQDISHO — Madaxweyne Xasan Sheekh Maxamuud ayaa la filayaa inuu la kulmo hoggaamiyeyaasha mucaaradka dhawaan.
Siyaasiyiinta mucaaradka ayaa isku raacay inay la kulmaan madaxweynaha. Go’aankan ayaa ka dambeeyay dalab ka yimid Villa Somalia.
Mucaaradka ayaa horay u diiday ka qeybgalka gogoshii wadatashiga qaran. Waxay soo saareen war murtiyeed ay ku caddeeyeen sababaha diidmadooda.
Kulan gaar ah ayaa mucaaradku yeesheen si ay uga tashadaan waqtiga shirka. Waxay sidoo kale ka wadahadlayaan cidda matali doonta dhinacooda.
Dadweynaha qaar ayaa rajo wanaagsan ka muujiyay shirka. Waxay filayaan in lagu gaaro heshiis ku saabsan doorashooyinka 2026.
Cabdullahi Siidhii ayaa yiri: “Ilaahey guul haku dhammeeyo qof iyo cod.” Sacdiya Simoon waxay sheegtay in qof kasta oo madaxweyne noqda ay kuwa kale taageeri doonaan.
Xuseen Diyaaz wuxuu filayaa in mucaaradku aysan mar dambe ku laaban doonin doorasho dadban. Barre Caraale wuxuu ku baaqay in wada hadal lagu xalliyo khilaafka.
Kulanka ayaa yimid xilli xiisad siyaasadeed ka taagan tahay dalka. Doorashooyinka 2026 ayaa sabab u ah kala qaybsanaanta jirta.
