Wasaaradda Arrimaha Dibadda ee Kenya ayaa maanta si rasmi ah meesha uga saartay magaca Somaliland liiskii ay ku qortay safaaradaha shisheeye ee dalkaas ka howlgala.
Tallaabadan ayaa ku soo beegantay xilli dukumeenti kasoo baxay wasaaradda oo baraha bulshada lagu baahiyey ay muran weyn ka dhex abuuratay labada dal ee Kenya iyo Soomaaliya. Dukumentigas ayaa Somaliland ku qornaa liiska safaaradaha, taasoo keentay jawaab deg deg ah.
Bayaan kasoo baxay Wasaaradda Arrimaha Dibadda iyo kenya ayaa lagu yiri.
Waxan mar kale xaqiijineysaa in Dowladda Kenya ay si buuxda u aqoonsan tahay madax-bannaanida iyo midnimada dhuleed ee Jamhuuriyadda Federaalka Soomaaliya,” ayaa lagu yiri war-saxaafadeed maanta la soo saaray.
Wasaaradda ayaa ku adkaysatay in Kenya aysan taageersanayn furitaanka wax xafiis rasmi ah oo Somaliland, iyadoo tilmaantay in xiriir kasta oo la yeesho Somaliland uu mari doono dowladda federaalka Soomaaliya.
Xafiiska Nairobi29-kii May,
Madaxweyne Cabdiraxmaan Maxamed Cabdullaahi “Cirro” ayaa furay xafiis Somaliland ku tilmaantay in uu yahay mid diblomaasiyadeed oo ku yaalla magaalada Nairobi. Furitaanka xafiiskaas
waxaa ka soo qayb galay mas’uuliyiin Kenyan ah oo ay ka mid ahaayeen Guddoomiyaha Uasin Gishu Jonathan Bii iyo Senatarka Marsabit Maxamed Siciid Chute.
Kulanka Madaxtooyada
Madaxweyne Cirro ayaa booqday Madaxtooyada Kenya halkaas oo uu la kulmay Madaxweyne William Ruto. Afhayeenka Madaxweynaha Somaliland, Xuseen Aadan Igeh, ayaa baraha bulshada ku shaaciyey sawir muujinaya labada hoggaamiye.
Waxaan ka wadahadalnay sidii loo xoojin lahaa xiriirka labada dhinac, gaar ahaan ganacsiga, waxbarashada, gaadiidka iyo horumarinta dhaqaalaha. Waxaan sidoo kale diiradda saarnay xasilloonida Geeska
Xiriirka Soomaaliya iyo Kenya ayaa muddo ahaa mid murugsan. Sanadkii 2020, Soomaaliya waxay u jartay xiriirka diblomaasiyadeed kadib markii madaxweynihii hore ee Kenya Uhuru Kenyatta uu la kulmay hoggaamiyihii Somaliland ee xilligaas Muuse Biixi Cabdi.
Somaliland oo madax-bannaanideeda ku dhawaaqday 1991-kii ayaa weli sugaysa aqoonsi caalami ah. In kasta oo ay leedahay dawlad u gaar ah, lacag, iyo ciidan, wax dal ah oo xubin ka ah Qaramada Midoobay uma aqoonsan.
Wasaaradda Arrimaha Dibadda ee Kenya ayaa ku nuux nuuxsatay in dalkoodu uu taageersan yahay midnimada Soomaaliya.”Xiriir kasta waa in uu si buuxda ugu dhaco dowladda federaalka ah ee Soomaaliya,” ayaa lagu yiri bayaanka wasaaradda, taasoo muujinaysa in Kenya ay doonayso in ay ilaaliso xiriirka diblomaasiyadeed ee ay la leedahay Soomaaliya.
Dhacdadan ayaa la filayaa in ay saameyn ku yeelato dadaallada ay Somaliland ku raadinayso aqoonsi caalami ah iyo sidoo kale xiriirka Kenya iyo Soomaaliya.