Wasiirka Gaashaandhigga DF, Axmed Macallin Fiqi, ayaa maanta jawaab adag ka bixiyay bayaankii xalay ka soo baxay shirkii mucaaradka siyaasadeed ee ka dhacay hoteelka Jasiira ee magaalada Muqdisho.
Wasiir Fiqi oo qoraal kooban soo saaray ayaa tilmaamay in ujeedada ugu weyn ee bayaanka mucaaradka ay tahay in aan dib loogu laaban doorashadii 2022 ee Afisyooni.
Wasiirka Gaashaandhigga DF” Warka mucaaradku waa Madaxweyne Xasanow walaalow teendhada hanoo celin, Marka laga soo tago walaaca welwelka iyo walbahaarka ay ararta ka dhigteen;
warqadaha badan ee ay soo saareen xubinta laga qaadan karo waa;
In ay Ka soo horjeeddaan in dib loogu laabto doorashadii dadbanayd ee sanadkii 2022, ayna taageersan yihiin hannaan doorasho oo daahfuran oo heshiis lagu yahay. Iyo bogaadinta Guulaha ciidamada qalabka sida ee khawaarijta dalka ka xoraynaya,” ayuu yiri Wasiir Fiqi.
Qodobada MucaaradkaMucaaradka siyaasadeed ee xalay shirka ku yeeshay magaalada ayaa soo saaray 11 qodob oo ay ugu muhiimsan tahay baaqaya doorasho daahfuran oo heshiis ku dhisan.
Madasha waxa ay ka soo horjeeddaa in dib loogu laabto doorashadii dadbanayd ee sanadkii 2022, waxay taageersantahay hannaan doorasho oo daahfuran oo heshiis lagu yahay, looguna gogol-xaarayo qof iyo cod, kuna salaysan dastuurkii dadka Soomaaliyeed ku heshiiyeen ee 2012, iyo xeerarka xisbiyada iyo guddiga doorashada uu ansixiyey iyo Baarlamaankii sagaalaad ee sharcigii doorashada tooska ah ee uu meel-mariyay Baarlamaankii 10aad ee DFS,” ayaa lagu sheegay bayaanka mucaaradka.
Mucaaradka ayaa sidoo kale cambaareeyay wax ka beddelka dastuurka, iyagoo tilmaamay in taasi khatar ku tahay geeddi-socodka dowlad-dhiska iyo midnimada Soomaaliyeed.Isbahaysi Cusub
Shirka mucaaradka ayaa lagu dhisay isbahaysi siyaasadeed oo cusub kaas oo hoggaankiisu uu ka kooban yahay guddoomiye, saddex ku-xigeen, xoghaye iyo afhayeen guud. Qaab-dhismeedka hoggaanka ayaa u ekaaday mid ku salaysan awood-qaybsi siyaasadeed.
Jawaabta DowladdaDowladda Federaalka ayaa si adag uga hadashay qodobada ka soo baxay shirka mucaaradka, iyadoo ku adkaysanaysa in doorashada qof iyo cod ay tahay tii lagu heshiiyay oo hadda diiwaangelin ka socoto caasimadda.
Xaaladda siyaasadeed ee dalka ayaa muuqata mid sii kacsan, iyadoo labada dhinac ay ku adkaysanayaan mawqifkooda ku aaddan habka doorashada soo socota.
Waxaa la sugayaa sida ay xukuumaddu uga jawaabi doonto tallaabada cusub ee mucaaradka iyo waxa ay ku soo aadan doonto xaaladda.
