Garowe – Wararka ka imanaya gobolka Bari ayaa sheegaya in Janaraal Axmed Qalyare, oo kamid ahaa saraakiisha ciidanka Puntland, uu ku geeriyooday qarax miino oo ka dhacay furimaha hore ee deegaanka Calmiskaad.
Warbaahinta gudaha Puntland iyo qoraallo lagu baahiyey baraha bulshada ayaa sheegay in Janaraalka uu door muuqda ku lahaa.
Dagaalka ay ciidanka Puntland kula jiraan kooxda Daacish ee ku dhuumaaleysanaysa buuraha iyo dhulka adag ee gobolka Bari.
Ilo xog ogaal ah ayaa intaas ku daray in geerida Janaraalka loo arko khasaare culus oo ku yimid hoggaanka dagaalka,
Maadaama uu safka hore kaga jiray hawlgallada ka dhanka ah kooxda xagjirka ah.
