Wararka Manta, Puntland oo Guulo Horleh kagaartay daacish+ Sawiro iyo Mesha ay wax marayaan

Wararka Ugu Aqrintabadan

‎Shiinaha oo maraakiib dagaal oo cusub u diraya Gacanka Cadmeed‎

13 hours ago

Itoobiya oo ciidamadeeda AUSSOM kala baxday degmada Buurhakaba

1 day ago

Load More

Wararka24: Ciidamada Difaaca Puntland ayaa sii ballaarinaya howlgalka ka dhanka ah maleeshiyada Daacish, iyagoo guulo ka gaaraya dagaalka ka socda Buuraleyda Calmiskaad. Ciidamadu waxay si qoto dheer ugu fidayaan deegaanada Balidhidin, Iskushuban, iyo Qandala, iyagoo dagaal ku qaaday goobo ay hore u maamulayeen Daacish.

Wararka la helayo ayaa sheegaya in ciidamada Puntland ay gaareen dhulka muhiimka ah ee Isha Daltoonle iyo Isha Bilcil oo ku yaalla Dooxada Jaceyl, meel dhirirkeedu boqolaal mitir ka sarreeyo dhulka caadiga ah, taasoo difaac muhiim ah u ahayd Daacish. Weerarada cirka ee Imaaraadka Carabta ay fuliyeen toddobaadyadii la soo dhaafay ayaa suurageliyay in ciidamada Puntland ay horumar weyn ka sameeyaan howlgalkan.

Shalay galab, ciidamada Puntland ayaa la wareegay difaacyadii ay Daacish hore uga samaysatay buuraha sare ee Dooxada Jaceyl. Taliska Puntland ayaa sheegay inay sii wadi doonaan dagaalka illaa inta laga ciribtirayo Daacish.

Taliyaha Ciidanka Daraawiishta Puntland, General Aadan Cabdi Xaashi, ayaa sheegay in hoggaamiyaha Daacish, Cabdiqaadir Muumin Cali, uu hadda yahay bukaan la yaal, isla markaana aanu lahayn awood uu dagaalka ku hogaamiyo. Wuxuu sidoo kale ugu baaqay Cabdiraxmaan Faahiye Ciise Maxamuud, oo ah ku-xigeenka hoggaanka Daacish, inuu joojiyo dhalinyarada uu ku luminayo dagaalka.

“Cabdiraxmaan Faahiye Ciisow, Cabdiqaadir Muumin gacanta wax kuma haysaan, qoyska ay ka dhashayna waa kuwa ciidanka horsocda. Dhallinyarada aad halaagayo jooji,” ayuu yiri Taliyaha.

Wuxuu intaas ku daray in haddii baaqooda la dhagaysan waayo, ay ciqaabta ay mudan yihiin ku ridi doonaan. DGP ayaa bishii saddexaad dagaal kula jirta Daacish, iyagoo howlgalka ay ugu magac dareen “Hawlgalka Ciribtirka Daacish” uu guulo la taaban karo gaaray..

ciidanka Puntland ayaa jimcihii lasoo dhaafay si buuxda ula wareegay xaruntii ay kooxda Daacish ku lahayd Dhaban-qooxle, oo ka tirsan deegaanka Uur Caleed ee Gobolka Bari,

Xaruntan oo ku taalla dhul aan la degganeyn, una dhow Dooxada Dharoor, ayaa muhiim u ahayd Daacish, maadaama ay qayb ahaan ka fidsan tahay Degmooyinka Ufeyn iyo Iskushuban

Guushaan maanta ay ciidamadu ka gaareen ee deegaanada Balidhidin, Iskushuban, iyo Qandala, oo ay hore u maamulayeen Daacish ayaa dhigan in Ciribtirka wakhtigiisa lajoogo..

Madaxweynaha Puntland Said Abdullahi Deni ayaa habeen hore shaaciyey dhammaadka wejigii labaad ee howlgalkan, isagoo caddeeyey in wajiga saddexaad uu bilaabanayo Jimcaha.

Sawiro Ciidanka DGP ee manta Dooxada Jaceyl

Wararka Ugu Aqrinta badan