Wararka24: Ciidamada Qaranka Soomaaliyeed ayaa maanta gudaha u galay deegaanka muhiimka ah ee Xawaadley, oo ka tirsan gobolka Shabeellaha Dhexe, iyagoo fulinaya howlgallo qorsheysan oo lagu xaqiijinayo amniga iyo xasiloonida deegaanka.
Saraakiisha hoggaamineysa howlgalka ayaa Warbaahinta Qaranka u sheegay in howlgalladu ay diiradda saarayaan ilaalinta badqabka shacabka, isla markaana ay ku jiraan baaritaano iyo tallaabooyin lagu sugayo amniga deegaanka.
Waxay sidoo kale sheegeen in ciidamadu ay u sii gudbi doonaan deegaanada kale ee ay Khawaarijtu ku dhuumaaleysanayaan, si loo xoojiyo hawlgallada ka dhanka ah kooxaha argagixisada.
