Wararka24: Wasiirka Wasaaradda Cadaaladda iyo Arrimaha Dastuurka ee Jamhuuriyadda Federaalka Soomaaliya, Mudane Xasan Macalin, oo safar shaqo ku jooga dalka United Kingdom, ayaa si diirran loogu soo dhaweeyay magaalada London.
Soo dhaweynta wasiirka waxaa ka qeyb qaatay xubno ka tirsan jaaliyadda Soomaaliyeed ee ku nool dalkaas, kuwaas oo muujiyay taageerada ay u hayaan dadaallada dowladda ee la xiriira horumarinta dalka.
Intii uu socday kulanka, Wasiir Xasan Macalin ayaa ka warbixiyay xaaladda guud ee dalka, isaga oo si gaar ah u dul istaagay dadaallada lagu dhameystirayo iyo ansaxinta Dastuurka Jamhuuriyadda Federaalka Soomaaliya.
Wuxuu xusay muhiimadda ay leedahay in shacabka Soomaaliyeed meel kasta oo ay joogaan ay ka qeyb qaataan talo bixinta iyo taageerada geeddi-socodka dastuurka.
Ugu dambeyn, wasiirka ayaa uga mahadceliyay jaaliyadda Soomaaliyeed ee ku nool United Kingdom doorkooda ku aaddan horumarka dalka, isagoo tilmaamay in ay si joogto ah uga qeyb qaataan dhismaha dowladnimada Soomaaliya.
