Wararka24: Hoggaamiyaha Mucaaradka Israel, Yair Lapid, ayaa ka digay in khatar la geliyo nolosha Israeliyiinta lagu haysto gudaha Marinka Gaza. Isaga oo ka hadlaya idaacad maxali ah, ayaa uu ku dhiirrigeliyay in Xukuumadda Raysal Wasaare Benjamin Netanyahu ay tagto Magaalada Doha, si ay Xamaas ula gasho heshiis lagu soo wada sii deynayo dhammaan maxaabiista harsan.
Netanyahu, waxaan leeyahay aad Doha oo qof walbana gurigiisa ku soo celi,” ayuu yiri Yair Lapid. “Ku laabo Doha oo hadda soo celi.”
Hoggaamiyaha Mucaaradka Israel ayaa sidoo kale xusay in waqtigu uu dhammaanayo,
Isla markaana qaabka hadda wax lagu wado ay khatar ku tahay nolosha maxaabiista iyo amniga Israel.
Yair Lapid ayaa xukuumadda ku adkeeyay inaanay ka bixin heshiiska, isla markaana ay hore ugu sii socoto, sidii maxaabiista iyagoo badqaba ay guryahooda dib ugu soo laaban lahaayeen. Wareysi uu siiyay Raadiyaha Israel ee 103 FM, ayaa wuxuu ku sheegay in uu aaminsan yahay in halmar la soo sii daayo maxaabiista, bedelkii marba qayb la soo deyn lahaa.
“Waxaan tan sheegayay muddo billo ah. Waxaan u baahanahay inaan dhamayno tan, waana in la helo hal heshiis oo qof walba lagu soo celinayo,” ayuu yiri Yair Lapid.
Ka dib markii Xamaas ay ku dhawaaqday inay hakineyso sii deynta maxaabiista, sababo ku aaddan in Israel ay ku xadgudubtay heshiiska xabad joojinta, waxaa gudaha Israel ka bilowday mudaaharaadyo lagu dhalleeceynayo dowladda uu Netanyahu madaxda ka yahay.
Shacabka dibadbaxyada wada ayaa Netanyahu iyo kooxdiisa ku eedeynaya inaysan daacad ka ahayn hirgelinta heshiiska. Warbaahinta Israel ee bidixda ayaa ku warameysa in Xamaas ay tallaabada hakinta sii deynta maxaabiista u qaadday, waa inaysan arkin in xukuumadda ay dhab ka tahay gelitaanka wejiga labaad ee heshiiska xabad joojinta.
Xamaas ayaa dhowr jeer waxay Netanyahu ku eedeysay in uu abuurayo caqabad ka dhan ah saddexdii weji ee lagu heshiiyay, si loogu soo afjaro colaadda Gaza.
148 Muwaadiniin oo laga soo ciliyey dalka dibadisa oo Muqdisho lagu soo dhoweeyay
ShareMuqdisho – Dowladda Federaalka Soomaaliya ayaa galinkii dambe ee shalay magaalada Muqdisho kusoo dhoweysay 148 muwaadiniin Soomaaliyeed oo laga soo daadgureeyay dalka Yemen, iyadoo kaashaneysa hay’adaha gargaarka caalamiga ah. Muwaadiniintan oo isugu jira rag, dumar iyo carruur ayaa lagu soo celiyay diyaarad khaas ah oo si toos ah uga timid Yemen, kadib markii ay halkaas…
dilkii argagaxa lahaa ee loo geystay Hooyo iyo Carruurteeda oo war cusub kasoo baxay?
ShareDhuusamareeb –Kadib dilkii argagaxa Ciidamada ammaanka ee dowlad-goboleedka Galmudug ayaa gacanta ku dhigay laba ka mid ah saddex eedeysane oo lagu tuhunsan yahay in deegaanka Qaayib ee gobolka Galgaduud ku dileen hooyo iyo saddex carruur ah oo ay dhashay. Howlgalka oo socday ku dhowaad 24 saacadood ayaa la sheegay inuu si gaar ah loogu beegsaday rag…
LIVE: Wararka maanta soomalia, DF ayaa qaadatay in Jubbaland cusub la sameeyo..
Share Share
