Hargeysa, Somaliland – Maamulka Somaliland ayaa si weyn uga horyimid qorshaha safarka uu Ra’iisul Wasaaraha Soomaaliya Xamza Cabdi Barre ku aaday magaalo-madaxda SSC-Khaatumo.
Eedaymaha Somaliland iyo Ujeedada Safarka
Guddoomiyaha Gobolka Sool ee Somaliland, Axmed Faarax Cismaan, ayaa safarkaa ku eedeeyay inuu yahay “qorshe dagaal” oo loo diyaariyay. Wuxuu tilmaamay in Xamza iyo Madaxweyne Xasan “yihiin kuwa ka dambeeyay dagaalkii 2023” ee Laascaanood.
“Xamze waa ninkii ciidanka u soo tababaray Turkiga, isagoo doonaya inuu khal-khal galinayo xasiloonida Somaliland,” ayuu Cismaan yiri.
“Ra’iisul Wasaare Xamza wuxuu rabaa inuu Laascaanood yimaado, isagoo mashruuc dagaal ka wada Sanaag iyo Sool,” Sida uu sheegay Axmed Faarax.
Isagoo intaa raaciyey “Waxaan uga digayaa ninka logu magacaabayo Raysal-wasaaraha Soomaaliya in uu ka shallayn doono dhibaatada iyo mashruuca dagaal ee uu mar kale ku soo kordhinayo dadka ku dhaqan gobollada Sool iyo Sanaag”.
SafarkA Xamza wuxuu la xiriiraa xoojinta xiriirka dowladda dhexe iyo maamulka SSC-Khaatumo, iyadoo la filayo inuu noqdo tallaabo taageero.
Wararka24 – Xog rasmi ah oo faahfaahin degdeg ah
