Madaxweynaha Jamhuuriyadda Federaalka Soomaaliya Xasan Sheekh Maxamuud ayaa maanta kormeer ku tagay Isbitaalka Demartino ee magaalada Muqdisho, halkaas oo lagu dabiibayo dhaawacyada ciidamada Macawiisleyda ee beesha Xawaadle, kuwaasoo ku dhaawacmay dagaalladii dhowaan ka dhacay gobolka Hiiraan.
Madaxweynaha ayaa warbixin caafimaad ka dhageystay maamulka isbitaalka iyo shaqaalaha caafimaadka, isagoo si gaar ah u la hadlay dhaawacyada isbitaalka ku jira. Wuxuu muujiyay tixgelin iyo bogaadin uu u hayo geesinimada ay muujiyeen ciidamada Macawiisleyda oo door weyn ku leh dagaalka lagula jiro Al-Shabaab.
Xasan Sheekh ayaa ballan qaaday in dowladda ay sii wadi doonto garab istaagga ciidamadaas iyo in la xoojiyo adeegyada ay u baahan yihiin, gaar ahaan kuwa ku dhaawacma howlgallada amni sugidda.Intii uu joogay isbitaalka,
Madaxweynaha wuxuu si weyn ugu mahadceliyay howlwadeenada caafimaadka ee u taagan badbaadinta dhaawacyada, isagoo sheegay in dowladda ay ka go’an tahay in la horumariyo adeegyada caafimaadka dalka.
Booqashada Madaxweynaha ayaa qeyb ka ah dhiirrigelinta iyo taageerada dowladda u fidinayso ciidamada difaaca dalka ee ku sugan jiidaha dagaalka, si kor loogu qaado niyaddooda iyo dhiirrigelinta ay u baahan yihiin.
