Pyongyang – Hoggaamiyaha Kuuriyada Waqooyi, Kim Jong Un, ayaa tareenkiisa gaashaaman uga baxay caasimadda Pyongyang isagoo ku sii jeeda Shiinaha, halkaas oo uu Arbacada kaga qeyb geli doono dabaal-deg milatari.
Safarkan ayaa noqonaya kii ugu horreeyay ee uu Kim si toos ah uga soo muuqdo goob diblomaasiyadeed caalami ah tan iyo markii uu xilka qabtay sanadkii 2011.
Masaafada safarka ayaa lagu qiyaasay ku dhowaad 1,300 kiiloomitir, waxaana la filayaa inuu qaato 20 ilaa 24 saacadood, iyadoo tareenka uu ku hakan doono magaalooyin badan ka hor inta uusan gaarin magaalada Beijing.
Kim Jong Un iyo Madaxweynaha Ruushka, Vladimir Putin, ayaa ka mid noqon doona hoggaamiyeyaasha 26 dal oo shisheeye oo ka qeyb geli doona xuska 80 sano guuradii kasoo wareegtay dhammaadka Dagaalkii Labaad ee Adduunka.
Xafladdan ayaa dib u xusuusinaysa dhacdo taariikhi ah, maadaama awoowgii Kim Jong Un, aasaasihii Jamhuuriyadda Dimuqraadiga ah ee Kuuriyada Waqooyi, Kim Il-sung, uu ka qeyb galay dabaal-deg milatari oo Beijing lagu qabtay sanadkii 1959-kii.
