Wararka24: Hoggaamiyaha kumeel gaarka ah ee Koonfur Galbeed Jibriil Cabdirashiid Xaaji Cabdi ayaa maanta xafiiskiisa ku qaabilay xildhibaano ka tirsan Baarlamaanka Federaalka Soomaaliya iyo guddoomiyaha degmada Baydhabo Cabdullaahi Cali Watiin.
Kulanka ayaa diiradda lagu saaray dardargelinta howlaha maamulka degmada Baydhabo, gaar ahaan amniga, adeegyada bulshada iyo horumarinta bilicda magaalada.
Hoggaamiye Jibriil ayaa faray guddoomiyaha magaalada inuu laba jibbaaro dadaallada lagu xoojinayo maamulka iyo adeegyada muhiimka ah ee ay u baahan yihiin shacabka.
Xildhibaanadii kulanka ka qeyb galay ayaa iyaguna adkeeyay muhiimadda ay leedahay wada shaqeyn buuxda oo dhexmarta hay’adaha dowladda.
Waxay sheegeen in iskaashigaasi uu muhiim u yahay xaqiijinta horumar waara oo ka hirgala magaalada Baydhabo.
