Wararka24: Ugu yaraan 13 qof, oo 12 ka mid ahi ay ka tirsanaayeen hal qoys, ayaa ku dhintay shil gaari oo ka dhacay deegaanka Guuyoow ee degmada Qabribayax ee Deegaanka Soomaalida Itoobiya.
Shilka ayaa dhacay kadib markii ay isku dhaceen gaari xamuul ahaa oo siday qaad iyo bajaaj saddex lugood leh. Dad kale ayaa ku dhaawacmay shilka, iyadoo la sheegay in qaar ka mid ah dhaawacyadu ay culus yihiin, taas oo keentay walaac laga qabo in tirada dhimashadu ay kororto.
Sida ay sheegeen dadka deegaanka, inta badan dadkii ku dhintay shilka waxay ahaayeen dhallinyaro ka soo laabanayay xaflad aroos, waxaana dhacdadu murugo weyn ku abuurtay bulshada deegaanka.
khasaaraha dhimaashada ayaa intaas kasii batay kadib markii uu god kusoo dumay qaar kamid ah dadkii qodayey Xabaal Wadareedkii lagu aasi lahaa dadkii ku dhintay shilka Gaari
Madaxweynaha Deegaanka Soomaalida Itoobiya, Mustafe Maxamed Cumar, ayaa tacsi u diray qoysaska iyo ehellada dadkii ku dhintay dhacdada, iyo guud ahaan shacabka Soomaaliyeed ee ay musiibadani saameysay.
Mas’uuliyiinta deegaanka ayaan weli faahfaahin rasmi ah ka bixin sababta keentay shilka ama xaaladda caafimaad ee dhammaan dadka ku dhaawacmay. Waxaa la filayaa in baaritaan lagu sameeyo dhacdada, iyadoo bulshada deegaanka ay weli ku jirto murugo ka dhalatay khasaaraha is daba jooga ah.
ka dalatay aaska
