NAIROBI — Nin waridiyo ka ahaa iskuul ku yaalla magaalada Nairobi ee dalka kenya ayaa la xiray kadib markii lagu eedeeyay inuu faraxumeeyay gabar yar oo 4 jir ah.
Gabadhan ayaa la sheegay inay ku sugaysay hooyadeed bannaanka iskuulka. Hooyada ayaa ku maqneyd soo qaadista gabar-kale oo walaasheed ah, sidaas darteed gabadhu waxay kaligeed fadhisay meel u dhow albaabka iskuulka.
Sida laga soo xigtay ilo-wareedyo, ninka ilaalada ah ayaa la tuhunsan yahay inuu gabadha geeyay qol u dhow xarunta iskuulka halkaasna uu falka foosha xun ka gaystay.
Qaar ka mid ah dadka deegaanka ayaa maqalay qaylo ka timid gabadha yar, taasoo sababtay in booliska lala soo xiriiro. Markii ay boolisku yimaadeen, waxay isla markiiba qabteen ninkan la tuhunsan yahay.
Gabadha waxaa iska markiiba la geeyay xarun caafimaad oo mesha ku dhaweyd si loo hubiyo xaaladdeeda, hada waxaa socda baaritaan rasmiga ah.
Dadka deegaanka ayaa si weyn uga carooday dhacdadan. Waxay codsadeen in la adkeeyo ammaanka carruurta, gaar ahaan marka ay ku sugayaan waalidiintooda bannaanka iskuulka.
