PARIS — Boorsadii koowaad ee Jane Birkin ayaa maanta lagu iibiyay $8.2 milyan oo dollar xaraash manta ka dhacay magaalada Paris.
Booradan madowga ah ayaa waxaa lagu iibsaday 7 milyan euro. Marki lagu daro canshuuraha iyo Lacagaha dheeriga ah waxay isku gaareysa wadarta guud $10.1 milyan. Xaraashkan waxaa manta qaban qaabiyay guriga Sotheby’s.
Lacagta lagu xaraashayey waxay laga bilaabay 1 milyan euro. Waxaa iibsaday Qof Jabaaness ah oo ku guulaystay kadib dagaal kulul oo manta ka dhacay goobta.. Magaca iibsdaha wali lama shaacin.
Boorsada ayaa loo hagaajiyey Jane Birkin sanadkii 1984. Shirkadda Hermès ayaa si gaar ah ugu samaysay xidigta rer British. Boorsada waxaa ku qoran xarafka J.B oo loso gaabiyey isla magaceeda.
Fikrada boorsada waxay timid markii Jane Birkin ay la kulantay si kadis ah madaxa shirkada Hermès diyaarad dhexdeed. Birkin ayaa ka dalbatay boorso oo ay isla ayada naqshada latimaaday.
Jane Birkin ayaa isticmaashay boorada 1985 ilaa 1994. Jane ayaa iska iibisay boorsada si ay lacagta ugu caawiso cilmi-baarista AIDS-ka. Waxay dhimatay sanadkii 2023.
Boorsada Birkin waxay noqotay mid ka mid ah waxyaabaha ugu qaali badan adduunka. Qiimaha caadiga ah wuxu ka bilaabmaa $10,000 mida cadiga ah ee hada suuqa taalo.
Tan maanta la iibsaday waa tii ugu horeysay mantana noqotay boorsada aduunka ugu qaalisan ee abid lagu iibiyay xaraash.
