Wararka24; Ciidamada Israel ayaa saacadaha soo socda ku bixi doona saldhiggii ay ku sameysteen Isgoyska Netzarim ee Marinka Gaza, sida ay sheegeen wararka.
Ciidamada Israel, oo Sabtidii oo dhan diyaargarow u ahayd, ayaa la filayaa inay Axaddan si buuxda uga baxaan saldhiggaasi. Sida ku cad heshiiska xabad joojinta ee Gaza, oo bilaabmay 22-kii bishan, Ciidamada Israel ayaa looga baahan yahay inay ka baxaan saldhigga Netzarim.
Heshiiska xabad joojinta ee u dhexeeya Israel iyo Xamaas, oo 19-kii bishii January ka dhaqangalay, ayaa ah mid looga dan leeyahay inay dhammaan doonaan guud ahaan Marinka Gaza.
Ka bixitaanka Ciidamada Israel ee saldhigga Netzarim waxay muujinaysaa inuu si wanaagsan u shaqeynayo wejiga koowaad ee heshiiska, iyo sidoo kale dib u gurashada militari ee Israel qaybaha dhexe iyo waqooyiga Marinka Gaza.
Saldhigga Netzarim, oo Ciidamada Israel ku xadidayeen isu socodka shacabka ee koonfurta iyo waqooyiga Gaza,
A yaa noqday meel murugo iyo dhibaato badan ku abuuray dadka reer Gaza. Dadka reer Gaza ayaa dareemi doona ammaan marka Israel ay si dhameystiran uga baxdo halkaasi.
Falastiiniyiinta ayaa muddo dheer ugu yeeri jiray Netzarim “dariiqa dhimashada.” Tan iyo markii Ciidamada ay halkaasi qabsadeen, waxay ka mamnuuceen dadka inay hore iyo dib ugu socdaan.
Ciidamada ayaa sidoo kale waddada ka sameystay jidgooyo ay ku dhibi jireen dadka shacabka ah. Marar badan ayay ku dileen dad rayid ah oo laga soo barakaciyay waqooyiga Gaza, laguna khasbay inay koonfurta iyo bartamaha u guuraan.
Ciidamada ayaa burburiyay guryo fara badan oo ku yaalay halkaasi, taas oo keentay inay dadka guryahooda la burburiyay awoodi doonaan inay soo eegaan hantidoodii.
Falastiiniyiinta ayaa sidoo kale galaangal u yeelan doona inay si xor ah ugu kala socdaan koonfurta iyo waqooyiga Gaza, iyadoo Ciidamada ka baxaysa saldhigga Netzarim.
