Sanadkan 1446 Hijriya, xujey badan oo Soomaaliyeed ayaa bilaabay socdaalkooda barakeysan ee xajka, iyaga oo gaaraya dhulka barakaysan ee Boqortooyada Sucuudiga. Qaar kamid ah xujeydan ayaa durbaba gaaray magaalada Maka, halkaas oo si diiran loogu soo dhoweeyay. Dadkaas waxay qeyb ka yihiin 11,500 oo muwaadiniin Soomaaliyeed ah oo sanadkan u gudanaya waajibaadka xajka.
Daabulka xujeyda Soomaaliyeed ayaa si nidaamsan uga soconaya garoomada diyaaradaha magaalooyinka waaweyn ee dalka, sida Muqdisho, Hargeysa, Garowe iyo Kismaayo. Socdaalka xujeyda ayaa qorshuhu yahay in uu socdo ilaa 31-ka bishan May, iyadoo loo marayo diyaaradihii ay dowladda iyo shirkadaha qaaska ahi u diyaariyeen.
Wasaaradda Awqaafta iyo Arrimaha Diinta ee Xukuumadda Federaalka Soomaaliya oo iska kaashanaysa Safaaradda Soomaaliya ee Sucuudiga iyo guddiga Hajj-ka, ayaa si dhow u maamuleysa howshan. Waxay diyaarisay qorshe ballaaran oo loogu talagalay fududeynta socdaalka, hoyga, caafimaadka iyo gudashada waajibaadka xajka ee muwaadiniinta Soomaaliyeed.
Wasaaraddu sidoo kale waxay soo diyaarisay kooxo wacyigelin iyo hanuunin ah oo xujeyda kala taliya arrimaha shareecada, habka xajka loo guto, iyo siduu qofku uga faa’iideysan karo si buuxda rukniga shanaad ee Islaamka. Dowladda Soomaaliya waxay ku boorrisay xujeyda in ay muujiyaan anshax wanaagsan, is ixtiraam, dulqaad iyo u hoggaansanaan nidaamka iyo xeerarka dalka martida loo yahay
sanadihi hore xujeda soomalida ayaa dhib kala kulmi jiray gudashada arimaha xajka sanadkan dowlada ayaa diyaarisay qorshe ee xaquuqduda ku helayan dhamaan xujeyda soomalida
Wararka24 – Xog rasmi ah oo faahfaahin degdeg ah
