Dowladda Mareykanka ayaa si adag uga falcelisay natiijada kasoo baxday Madasha Wadatashiga Qaranka ee lagu qabtay magaalada Muqdisho 6–7 May 2025, taasoo ay ka qeybgaleen madaxda Dowladda Federaalka iyo qaar kamid ah madaxda dowlad-goboleedyada.
Qoraal rasmi ah oo kasoo baxay Waaxda Arrimaha Afrika ee Wasaaradda Arrimaha Dibadda Mareykanka ayaa lagu muujiyay walaac xoogan oo ku aaddan sida go’aannada siyaasadeed ee muhiimka ah gaar ahaan kuwa ku saabsan nidaamka federaalka iyo doorashooyinka ay u socdaan iyadoo aan laga qeybgelin dhammaan daneeyayaasha siyaasadeed ee dalka.
Mareykanku wuxuu aaminsan yahay in go’aanno laga gaaro arrimaha federaalka iyo doorashooyinka iyadoo aan la helin taageero ballaaran ay halis gelinayaan sharciyadda nidaamka siyaasadeed ee Soomaaliya, waxayna carqaladeyn karaan dadaallada lagu wajahayo caqabadaha amni iyo midda siyaasadeed ee taagan ayaa lagu yiri bayaanka.
Digniinta Mareykanka ayaa loo fasiray mid si toos ah ugu socota Madaxtooyada Soomaaliya, iyadoo Villa Somalia ay horey u shaacisay war-murtiyeed laga soo saaray madasha, oo aan muuqan inay ka qayb galeen dhammaan dowlad-goboleedyada dalka. Waxaana tani dhalisay su’aalo badan oo la xiriira matalaadda saxda ah, hufnaanta madasha, iyo cidda rasmiga ah ee lagu metelayay masiirka siyaasadeed ee ummadda Soomaaliyeed.
Diblomaasiyiin iyo falanqeeyayaal siyaasadeed ayaa ku tilmaamay hadalka Mareykanka “digniin aan gabasho lahayn” oo muujinaysa in beesha caalamka aysan aqbali doonin hannaan siyaasadeed oo kooban ama u janjeera hal dhinac
lama oga sida dowlada federalka somalia uga jawaabi doonto warqadan kasoo baxday dowlada marekanka dowlada federalka ayaa qorsheneysay in ee qabato doorasho qof iyo cod ah.
Wararka24 – Xog rasmi ah oo faahfaahin degdeg ah
