Ciidamada Hindiya ayaa bilaabay weerar ballaaran oo lagu magacaabo “Operation Sindoor”, bishan May 7 2025, kaasoo lagu bartilmaameedsaday sagaal goobood oo ku yaalla Kashmir-ka ay Pakistan maamusho iyo gobolka Punjab ee Pakistan.
Weerarkan ayaa la sheegay inuu socday daqiiqado aad ubadan iyadoo la isticmaalay diyaaradaha Rafale oo wata gantaallada SCALP iyo bamamka AASM Hammer. Hindiya ayaa sheegtay in weerarkan uu ahaa mid lagu beegsaday xarumaha kooxaha argagixisada sida Jaish-e-Mohammed iyo Lashkar-e-Taiba, iyadoo aan la weerarin xarumaha milatariga Pakistan.
Pakistan ayaa si adag uga jawaabtay weerarka hindiya iyadoo sheegtay inay soo ridday 25 diyaaradood oo aan duuliye lahayn oo Hindiya leedahay. Sidoo kale, Pakistan ayaa sheegtay in ay weerartay goobo milatari oo ku yaalla gudaha indiya, inkastoo Hindiya ay sheegtay inay ka hortagtay weeraradaas iyadoo adeegsatay nidaamka difaaca gantaallada ee S-400.
Wasiirka Difaaca Pakistan, Khawaja Asif, ayaa sheegay in khatarta dagaal nukliyeer ah ay tahay “mid muuqata oo hadda jirta”, isagoo carabka ku adkeeyay in Pakistan aysan doonayn dagaal balse ay is difaaci doonto haddii la weeraro.
Xiisada u dhaxeysa labadan dal ayaa weli tagan iyado eysan jirin wada hadal bilaaw ah ilaa iyo hada Dowlado badan iyo hay’ado caalami ah ayaa ka walaacsan xiisadda sii kordheysa ee u dhexeysa indiya iyo Pakistan.
Xoghayaha Arrimaha Dibadda ee Mareykanka, Marco Rubio, ayaa ugu baaqay labada dal inay joojiyaan dagaalka oo ay bilaabaan wadahadal. Sidoo kale, Iran iyo Midowga Yurub ayaa ku baaqay in la dejiyo xiisadda si looga fogaado dagaal weyn
Wararka24 – Xog rasmi ah oo faahfaahin degdeg ah
