Wararka24: Xildhibaanno ka tirsan Baarlamaanka Soomaaliya, oo ay ku jiraan kuwa kasoo jeeda Jubbaland iyo xubno kale oo mucaarad ah, ayaa maanta Golaha Shacabka horgeeyay mooshin culus oo la xiriira xayiraadaha safarka ee Xildhibaannada, gaar ahaan kuwa u socda Kismaayo.
Mooshinkaan, oo kusoo beegmay xilli ay xiisado ka taagan yihiin arrimaha Jubbaland, ayaa xildhibaannadu ku dalbadeen in ajendaha lagu soo daro dood ku saabsan xadgudubyada ay sheegeen in lagu sameeyay xasaanadooda iyo xuquuqda muwaadiniinta Soomaaliyeed.
Annaga oo ka duuleyno xad-gudubyada loo gaystay muwaadiniinta Soomaaliyeed iyo Xildhibaannada si waafaqsan qodobka 25-aad, faqraddiisa 3-aad, xarfaha B iyo E ee xeer-hoosaadka Golaha Shacabka, waxaan soo jeedineynaa in arrintan la geliyo ajendaha,” ayay yiraahdeen xildhibaannada mooshinka gudbiyay.
Xildhibaannoda waxay sidoo kale dalbadeen in Baarlamaanka uu soo saaro qaraar rasmi ah oo xayiraadda safarka looga qaadayo xildhibaannada iyo shacabka.
Xildhibaan Daahir Amiin Jeesow, oo ka mid ah mudanayaasha mooshinka gudbiyay, ayaa dowladda dhexe ku eedeeyay inay si bareer ah ugu tumatay xuquuqda Xildhibaannada iyo shacabka.
“Waxaad arkaysaa diyaarad la handadayo oo la leeyahay Xildhibaan Jeesoow ha soo qaadin. DFS waa ka dartay waxayna ku tumatay sharcigii xuquuqda muwaadinka ama xildhibaanka uu lahaa,” ayuu yiri Jeesow.
Mooshinkan ayaa daba socda dhacdo todobaadkii hore ka dhacday garoonka Aadan Cadde, halkaas oo Xildhibaan c iyo Xildhibaan Cumar Qalad-diid laga hor istaagay safarkii ay ku aadi lahaayeen Kismaayo.
Xaaladda ayaa weli kacsan, waxaana la sugayaa go’aanka Golaha Shacabka ee ku aaddan mooshinkan xasaasiga ah.
Wararka Ugu Aqrinta badan..
NISA oo sheegtay inay duqeyn ku dishay 12 xubnood oo Al-Shabaab ah
ShareWararka24: Hay’adda Sirdoonka iyo Nabadsugidda Qaranka Soomaaliya (NISA) ayaa sheegtay in 12 xubnood oo ka tirsan Al-Shabaab lagu dilay howlgal qorshaysan oo ka dhacay deegaanka Bur-Saruur ee gobolka Shabeellaha Dhexe. NISA ayaa sheegtay in howlgalka, oo ay hay’addu sheegtay inay ka qeyb qaateen saaxiibada caalamka, lagu bartilmaameedsaday goob ay ku urursanaayeen xubno ka tirsan Al-Shabaab.…
Xamza Cabdi Barre oo sameeyay magacaabis cusub + sawiro
ShareWararka24: Ra’iisul Wasaaraha Xukuumadda Federaalka Soomaaliya, Xamza Cabdi Barre, ayaa sameeyay magacaabis cusub oo lagu buuxinayo xilalka agaasimeyaasha guud ee laba wasaaradood oo ka tirsan dowladda federaalka. Wareegto uu soo saaray Ra’iisul Wasaaraha ayaa Cabdullaahi Ibraahim Cabdi loogu magacaabay Agaasimaha Guud ee Wasaaradda Tamarta iyo Kheyraadka Biyaha, halka Axmed Yuusuf Cabdulle loo magacaabay Agaasimaha Guud…
Guddiga Shaqaalaha Rayidka oo hakiyay hannaankii tartanka furan
ShareWararka24: Guddiga Qaranka ee Shaqaalaha Rayidka Dowladda Federaalka Soomaaliya ayaa hakiyay shaqooyin la xayeysiiyay oo la xiriiray xilalka Agaasimeyaasha Waaxda Maamulka Shaqaalaha, kaddib qaraar uu Golaha Shacabka ku laalay hannaankii tartanka furan ee uu dhawaan amray Ra’iisul Wasaare Xamsa Cabdi Barre. Golaha Shacabka ayaa 23-kii Sebtembar ansixiyay qaraar uu ku laalay Xeer Lr. 132 iyo…
