Hay’adda Aqoonsiga iyo Diiwaan-gelinta Qaranka ee NIRA ayaa bilaabday olole cusub oo ku saabsan astaamaha tirsiga aqoonsiga qaranka. Ololahan ayaa loogu talagalay in dadka Soomaaliyeed ay fahmi karaan muhiimadda kaararka aqoonsiga qaranka.
NIRA ayaa sharraxday in kaararka aqoonsiga qaranku uu leeyahay afar astaan oo muhiim ah. Astaamahaani waxay kala yihiin Jaad-gooni, Raad-raac, Xaqiijin degdeg ah iyo astaamaha kale ee kaararka.
Jaad-gooni waxaa loola jeedaa muwaddin walba waxaa uu leeyahay tirsi u gaar ah oo aan cidna la wadaagin. Tani waxay ka dhigaysaa in qof kastaa uu leeyahay aqoonsi gaar ah oo aan cidna kale la wadaagin.
Raad-raac astaamaha waxaa loola jeedaa in tirsigu fududaynayo in qof walba uu yeesho 11 lambar oo lagu garto inta uu nool yahay. Lambardaani waxay u sahli doontaa adeegyada kala duwan ee dowladda.
Xaqiijin degdeg ah waxaa loola jeedaa in tirsigu adeeg-bixiyayaasha u suurtageliyaa inay si degdeg ah u xaqiijiyaan aqoonsiga qof walba. Tani waxay ka caawineysaa in si dhakhso leh loo helo adeegyada dowladda.
Kaararka aqoonsiga qaranka wuxuu ka kooban yahay macluumaad muhiim ah oo ay ka mid yihiin magaca, da’da, iyo sawirka qofka. Kaarkani wuxuu noqon doonaa mid loo isticmaalo dhammaan adeegyada dowladda.
NIRA ayaa dadka ku boorineeysa inay ka qaybgalaan nidaamka diiwaan-gelinta si ay u helaan kaararka aqoonsiga qaranka. Hay’addu waxay sheegtay in tirsigan uu yahay mid lagama maarmaan u ah horumarinta adeegyada dowladda.
