Degmada Alkowsar, Shabeellaha Dhexe – Diyaaradaha dagaalka ee ciidamada Xoogga Dalka Soomaaliya ayaa xalay weerar culus ku qaaday bartilmaameedyo ay ku leeyihiin kooxda Al-Shabaab ku yaala degmada Alkowsar ee gobolka Shabeellaha Dhexe.
Wararka ayaa sheegaya in duqaynta xalay lagu beegsaday goobo ay Al-Shabaab ku lahayd Deegankas ayna ku sugnaayeen horjoogayaal iyo maleeshiyaadkooda. Dadka deegaanka ayaa soo sheegay in dhowr qarax oo waaweyn ay gilgileen degmada, isla markaana aysan jirin cid ka soo horjeeda goobaha la duqeeyay, maadaama Al-Shabaab ay ka mamnuucday in dadka deegaanka loo soo dhawaado.
Dadka deegaanka ayaa sheegay in mid ka mid ah gantaalada lagu garaacay ay la xiriiraday goob ay horjoogayaal Al-Shabaab kula hadlayeen maleeshiyaadkooda. Duqayntii xalay ayaa ka xoogganayd middii Sabtidii laga fuliyay degmadaasi, waxaana la sheegay in duqaynta laga maqlay deegaanada u dhexeeya Alkowsar iyo Aadan Yabaal.
Dowladda Federaalka Soomaaliya ayaa weli wax war ah ka soo saarin duqaynta culus ee xalay lagu qaaday Al-Shabaab ku yaala Degmada Alkowsar. Sidoo kale, Taliska Ciidanka Xoogga Dalka iyo Hay’adda NISA ayaa weli aanay soo saarin warbixin faahfaahsan oo ku saabsan goobta weerarada ka dhaceen..
Diyaaradaha dagaalka ayaa muddooyinkan sii wada weerarada xagga cirka ee looga gol leeyahay in lagu wiiqo Al-Shabaab, gaar ahaan gobollada Shabeellaha Dhexe iyo Hoose. Hawlgallada hawada ayaa lagu taageerayaa ciidamada dhulka, waxaana looga hortagayaa is-fidinta Al-Shabaab iyo deegaanada ay isku dayayaan inay qabsadaan.
Wasiir Ku-xigeenka Warfaafinta oo Ka Hadlay
Wasiir Ku-xigeenka Warfaafinta Soomaaliya, mudane Cabdiraxmaan Yuusuf Cumar (Alcadaala), ayaa mar sii horreysay ugu baaqay shacabka inay ka fogaan meelaha ay Al-Shabaab joogto ugu yihiin. “Waxaan ugu baaqaynaa shacabka inay ka fogaadaan meelaha ay kooxaha argagixisada joogaan,” ayuu yiri Alcadaala.
Duqeynta Degmada Alkowsar iyo Taageerada Caalamiga ah ee Dagaalka
Dowladda Federaalka Soomaaliya iyo saaxiibada caalamiga ah ayaa sii kordhinaya weerarada xagga cirka ee looga gol leeyahay in lagu wiiqo Awooda Al-Shabaab. Hawlgalladaas ayaa si weyn waxaa uga qeyb qaata ciidamada AMISOM
📌 Wararka24 – Xog rasmi ah oo faahfaahin degdeg ah
